| Мон кузьнецян // сборник Эряфсь панжи; автор: Пинясов Я. М.; 1933. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 16—17 |
|
| << Тя аф даволсь << | >> Тундань тише >> |
|
Прязе ливсю, Цятнай жарса, Кожфонь куркса Морай мехсь. Горнась якстере Панарса, Тоса маземкшни Лемехсь. Молотказень Кепсян вери, Мяшцтон кольги Соду ливсь. Монь зубилазевок Кери, Штоб аф сяземс Видема тевсь, Штоба шачфтомс Большевикокс Колхозонь малаткшни Тундась. Пинкта инголе Теень петемс, Петемс эряви Плугась. Куцихть, кеподихть Искратне, Вишке даволкс Морай мехсь, Петемс эрявихть Плугатне, Петемс оржаста Лемехсь, Штоба кожналь Тракторть фталга, Кожналь, кажолдоль Плугась, Шарфтоль летьке Модать алда, Сьороть шачфтольце Тундась. Эх! Искратне куцихть, Куцихть, Лакай вишкста, Лакай тевсь, Минь тундати Анокт улихть, Ули анок Коллективсь. |
| << Тя аф даволсь << | >> Тундань тише >> |
| Сборник Эряфсь панжи; автор: Пинясов Я. М.; 1933. | |