| Тундонь од чива // сборник Монь вайгелем; автор: Илька Морыця; 1930, ноябрь. | Мордовская библиотека |
| Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 22—23 | |
| << Од юро << | >> Од виень вийть >> |
|
А тия — тува — Ютынь паксява. Коммуна важи Налки зорява. Аватне прясо Горнипов фатат, Касы тейтерьтнень Гурьви-зорь лентат. Весть а вачкоди, Кавксть а лоштяви — Сизьгемень сисем Ладс аравтови. А ськамост важить Тейтерь-аватне, Парацек-пецек Кирьдить цератне. Сынь ютыть—каить Козонь пачкодить, Зоря-налк потсо Мейсь сынь зорявить? — Сём а чопода... Те а телева... Ютынь паксява Тундонь од-чива. Те а морява Салы-ведь салы Те а инь-ведьга Уски-кал уи; Те од паксява Робота моли, Трудиця народ Коммуна теи. Сынь ютыть-теить, Оляс пачкодить, Зоря-налк ладсо Мелест лацевить. Вейке най-тейтерь Вастовсь каршозон, Мако цецясо, Ванан, мани сон. Монь а рунгова, Чий а пильгева Мазы-тол тейтерь Тветсэнть манимим, — Седей чамава, Верем юткова Каи-ой солы Тейтерь саимим. А зорясь яви — Маней чись мани... Кара-каршо минь Вечкезь ванынек. |
| Ноябрь. 1930 ие. |
| << Од юро << | >> Од виень вийть >> |
| Сборник Монь вайгелем; автор: Илька Морыця; 1935. | |