| Од юро // сборник Монь вайгелем; автор: Илька Морыця; 1930, октябрь. | Мордовская библиотека |
| Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 21 | |
| << Эйдяняка << | >> Тундонь од чива >> |
|
А Максим увте, а Дрига савты... Сядо вий саты — машина юты. Сон пейди-раки — а човоргады, Кенерь-розь човазь, а ёмболгады. Кото вельдерьма, сисем вальмава Сэтьме-чудирксэкс чуди розь яла. Мешок курктнэнень пувазь пувави, Кодак топодить — утомс совави. Косо ладязь сон, косо поводезь? Сизьгемень айгор теке цяхады. Апак повоть сон, апак нупоть сон Га-га-тне ланга арды цяпады. Те и Дригаяк, те и Максимгак! Вейсэ, ве лувсо кепедить сюро Ай, артельнекень те комбайнасо Кастыть-кепедить течинь од-юро. |
| Октябрь, 1930 ие. Саран ош. |