| Од пинге, автор: Артур Моро // сборник Васень сятк; 1928. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 151—152 | |
| << Мон эрзян << | >> Чинь валгума >> |
|
ОД ПИНГЕ
Ах, од пора, од пора, од пора! Пиже роща, цёков, Кинель лей. Тонть эйстэ весёлгали од цёра, Тонть эйсэ од тейтерень седей. Тундокс неяви сёксесь тонть эйсэ: Пельть арасть, чись менельсэнть раки. Зняро тол, пулты тол монь седейсэ. Мазы тейтерь, прок пава, яки. Эрзянь тейтерьтне морыть гай морот, Одирьвакс балалайкась урьни. Мон а кирьца ней, нужа, тонть корот — Марясак, кода трактор зэрни? Ней содасак, лиякстомсть шкатне, Содасак, пингесь ней паркстомсь: Гайнить сиясо валозь лугатне, Сыретненьгак эрямост откстомсь. Монь мелемь — пургине лацо Чопуданть эрзятнестэ яжамс, Эрзянь масторонть наряжамс сацо, — Улезэ козонь эрямо совамс. Мейле сатнэстэ вешкемс цёковнэкс, Рощатнестэ чудезэ сырьне. Эфигениякс *) укшнозо ковнэсь Пельтнень ланга июнень вене. Ах, од пора, кодамо мазыят. Ах, од пора, кодамо парат; Весемеде тон светсэнть виеват, Эрьва мезес ломаненть ветят. |
| *) Эфигения — ёвксонь ава. |
| << Мон эрзян << | >> Чинь валгума >> |
| «Од пинге», автор: Артур Моро // сборник Васень сятк. Эрзянь морот ды ёвтнимат. — 1929. | |