| Мон эрзян, автор: Артур Моро // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 150—151 | |
| << Пингень эрямо << | >> Од пинге >> |
|
МОН ЭРЗЯН
Мон эрзян. Прясто пилькс эрзян. Эрзянь кельнесэ Морынень моран. Мон эзинь човавт Сюпав кедь куншкас, Мон эзинь синдевть Нужа горянень. Латалов шачинь Мон киска левксэкс, Лома юткс лисинь Лаки сельведекс. Якинь велева Мешокке марто. Эрьва пелева Сатоць апарось. Стака шкась ютась Берянь он лацо, Валдо пингесь сась Монень ошосо. Ошсо роботан, Лемем робочей. Ней лиякс эрян, Цёковкс моран ней. Моран паксява Гайги морыне. Кунсолок, эрзя, Моры цёрыне. Неть тонеть весе. Моротне гайгить, Эрзятнень туртов Валдо ки невтить. |
| << Пингень эрямо << | >> Од пинге >> |
| «Мон эрзян», автор: Артур Моро // сборник Васень сятк. Эрзянь морот ды ёвтнимат. — 1929. | |