| Ликпунктсто — поэтэкс, автор: Прокин И. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 111—112 | |
| << Чомболкс << | >> Илья Кривошеев >> |
|
ЛИКПУНКТСТО — ПОЭТЭКС
Лець мелезэнь вишка пингем Кода мон ютавтыя. Ульнесь бедной монь тетинем, Пек беряненть варшния. Кизна пакся мон крёстнилинь, Стада мельга чийнилинь, Раужо лемсэ кортнилинь, Апаро валт ёвнилинь. Тельня истяк мон аштилинь — Амезе ульнесь тейнемс, Ялгам яксесть тонавтнеме — Мон арасель одижам. Истяк вишка пингем ютась — Апак тонавт кадувинь. Секс, кодак ликпункт появасть, Весе сэрьсэнь радувинь. Карминь чистэ тевень маштозь Тонавтнеме якамо. Тонавтнимам стяк эзь ёма — Туинь верев касомо. Карминь сякойть ловнокшномо, Весе прязон вачкамо. Меринь: карман тонавтнеме! Кеман, ламос тонадан, А ней монсь уш эрзянь стихкеть Састынькине сёрмадан. ★
|
| << Чомболкс << | >> Илья Кривошеев >> |
| «Ликпунктсто — поэтэкс», автор: Прокин И. // сборник Васень сятк. Эрзянь морот ды ёвтнимат. — 1929. | |