| Эрямо бажить // сборник Пурьгинень зэрть; автор: Артур Моро; 1929, июль. | Мордовская библиотека |
| Книга: Артур Моро. Пурьгинень зэрть. — Центриздат, Москов, 1931. — с. 20—21 | |
| << Эрямось паро << | >> Мокшэрзят, икелев! >> |
|
Лей чиреванть Нуварьгацть килейтне, Рунгост кувалт Новолезь кудряст, Алгаст якить Мазый од тейтертне, — Прясуресэ вельтязь Цянав пряст. Чейтне сертязь Стамбарнэ лымбакснить; Мерят, леенть Эйкакшокс нурсить. Ливтить галат, Пек, сизесь, гигакснить, — Лей чирентень Валгомо арьсить. Ансяк пелить Од тейтерьтне эйстэ... Эськаст арьсить, — Леенть ваксс кулыть. Лембе жалявкс Тейтерьтне седейстэ Куломсто галатне Анеить... Мазый тейтерть Сынст эрямо чидест: А содыть, а думить Ды а кортыть; Галатнень Толонь, седеень псидест Лей чиреванть Цецятне солыть. Галатне, Мазый тейтерьтне лацо, Вечксызь луганть, Эрямонть вечксызь. Чейтнень поцо, Сынь, прок сырьнень сацо, Эрямост Гигакснезь ютавсызь. Мазый тейтерть! — Содадо галадо: Ведь, сыньгакжо, Тынк лацо эрить. Паро ялгакс Сынст марто паладо, — Вейсэ парсте Тынк од шканк ютыть. |
| Юль. 1929 ие. |
| << Эрямось паро << | >> Мокшэрзят, икелев! >> |
| Сборник Пурьгинень зэрть; автор: Артур Моро; 1931. | |