| Эрямось паро // сборник Пурьгинень зэрть; автор: Артур Моро; 1929, июль. | Мордовская библиотека |
| Книга: Артур Моро. Пурьгинень зэрть. — Центриздат, Москов, 1931. — с. 17—19 | |
| << Батракнэнень ды беднякнэнень << | >> Эрямо бажить >> |
|
Сюкпря тундо! Сюкпря кудряв килейне! Сюкпря пакся! Сюкпря чолни-цянав! Содасынк ней, Эрян прок сетьме лейне... Оймсеме мон Бажан цецяв лугав. Тынк ланкс ванан — Ды седеезэн паро: Ошось касы, Велесь сасы ошонть. Эрямось гайни Паксясо трактор маро, Робочеесь Тапи мода потмонть. Робочеесь Велев кучи машинат, Велесь ошов, Максы сюро. Арась ютксост Ломань пингень машнимат, Ялгат, ялгат, Эрямось пек паро! Паро эрямось Сялдомскак а кода: Ульнесь давол, — (Умок уш сон ютась). Но, тон, трудиця, Парсте седе содак: Од пингентень Народ стакасто сась. Содак седе, — Учомс омбоце давол!.. Содак седе, — Эряви анокстамс. „Петра минек, Ломанень—Ортянь Павол” — Истя ялгат А эряви кортамс. Пурнавомс вейс, Теевемс сталень стенакс: Кирве толсонть Улемс виев ломанькс. Улемс тенек Од шкань ломанень племакс. Минек рядонок Улезэ сырьнекс ванькс. Содак седе — Врагонть кеме конязо. Эрьва чистэ Повамонок думи... Масторсонок Сюпав—паро ялгазо, Сынст марто сон Лепштямонок карми. Сынст эйстэ Сорномо а карматан: Трудицядонть виев Народ арась. Одонть тейдян! Ташто пингенть Тапатан! Зэрьни завод, Гайни келей паксясь. Секс мерян: Эрямонок — чивалдо! Секс мерян: Эрямонок паро! Куздян менельс, Лисинек... Моданть алдо. Сюкпря паксяв кучи Артур Моро. |
| Юль. 1929 ие |
| << Батракнэнень ды беднякнэнень << | >> Эрямо бажить >> |
| Сборник Пурьгинень зэрть; автор: Артур Моро; 1931. | |