| Монь ули сазором // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 19—22 |
|
| << Эйкакшнэнь << | >> Арсема >> |
|
Монь ули сазором, Вишкине, мазыйне, Эзия неекшне, Эзь корта тень валт. Но содан кирьгасо Вармань пувазь лыйни Сюлмавксось, конатась Зорянь цветсэ палсь. Секс мон а маняван, Бути мерьса мором: „Монь ули сазором“. Кодамо масторсо Мазыеть эрсекшни? Кодамо таркава Вишкинеть яксекшны? Кода эно морат, Бути эзик некшне: „Монь ули сазором“. Косо аволякшны Голубкань сёлмосо Менеленть сэнезэ Валске марто свал. Косо тусто садтнэ Сырнесэ валнокшнозь, Хлопкань ине паксят Нурсить лембе ялтт. Сынст ютксо шачсь мазый, Вишкине сазором. Гайгек, курок пачкодть Инжекс, шожда мором. Кадык марятанзат Валскева сазором. Сеть хлопкань паксятне, Теке лейсэ галат, Сюконякшныть прясост, Покш селмост сравтовсть. Эрьва чистэ якси Сазором сынст малас, Сезнекшни толгатнень, Штобу тандавтомс. Но сын эсть тандале — Вастылизь кенярдозь, Кармакшнось покш тарка Эйстэдеть чамомо. Ялгатне, ломатне Кувать дивсесть, зярдо Пурнась хлопканть сазор Веседе ламо. Вейке паро чистэ, Косо кремлянь тештесь Велеть, оштнэнь велькссэ Чить ды вева палсь. Пурнавкшность ломатне Монь масторонть мештьсэ Вождь марто кортамо Московонь покш залс. Ютксост ульнесь бойка, Вишкине сазором. Те аволь зорява Панжсь тюльпанось эльнезь. Те аволь стептнева Сюконясть цецят. Те ледстизь ломатне Монь сазоронь лементь, Те ломатнень ютксо Превейнем кецясь. Ды цяпамо алга, Конанень мертяно Весе вейке кельсэ — Вечкима тетя, Сювордась кеднензэ, Пейдезь сонзэ ваннось, Васолдонь эйдензэ Вадяшазь ветясь. Сонзэ кеденть вельде Минеккак сювордась, Минеккак вельдензэ Вадяшакшнось кедь. Сыре, сыре деда Эсь ийде покордавсь, Вансь цецянть эзь кирде, Нолдакшнось сельведь. Пек ламо масторсонть Истят сазоронок, Минь ве лув мольдяно Сювордынек кедть. Ливтяк эно васов Лембине моронок, Кадык марятанзат Валске Мамлакат. Кадык сонгак моры, Галстукозо лыйни, Ой-да монь сазором! Ой-да монь превейнем! |
| 1936 ие. |
| << Эйкакшнэнь << | >> Арсема >> |
| Сборник Васень цвет; автор: Прончатов, И. Н.; 1939. | |