| Эйкакшнэнь // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 17—18 |
|
| << Экше вармине << | >> Монь ули сазором >> |
|
Ужо, ужо, иля капша Тон, мазыйне, сэрьга вантан. Бути мелеть, бойка пакша, Луганть ланга налкшкекс кандтан. Ужо, иля чийть веркасто. Нимиляв тонеть а сасамс. Бути мелеть — балягасто Оно сень, покшонть кундаса... Ах, вечкан, вечкан тонь кондят! Розовой чаминенк налксить. Тынк лангс ванозь лисьне мондень Зорясо кирвастезь валскесь. Асодан мезекс тон лисят: Инженер эль планерист. Ансяк содан — пек келейстэ Вечной тундос панжовсь кись. Тыненк ней минек масторсо А мезень лангс уш пеняцямс... Сак курокке ды кедь лангсон, Мазый эйкакш кецяк, кецяк! Мон вастытеньгак те чистэ, А содасынь авать, тетять. Ансяк содан — пек мазыйстэ Кремлянть тештень ало цветят. Ужо, ужо иля капша Тон, бойкине, сэрьга вантан. Бути мелеть, налксий пакша, Луганть ланга кудов кандтан. |
| 1936 ие. |
| << Экше вармине << | >> Монь ули сазором >> |
| Сборник Васень цвет; автор: Прончатов, И. Н.; 1939. | |