| Экше вармине // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 15—16 |
|
| << Валскень валдось << | >> Эйкакшнэнь >> |
|
Экше вармине Тикшева эльнезь Комавтсь розат Ромашкатнень енс. Лиссь тейтересь, Лиссь вечкимам Эльме, Кона сакшны Арсемас ды онс. Лиссь. Пееди. Лавтовонзо кепси. Моли састо, Прок лопава ялт. Ужо, учик Кинь седеесь пек пси, Сон бажи тонеть Евтамо валт! Минь умок уш Вастнетяно тесэ. Сельмес ванозь Кирвазтинек тол. Сынь прок жарнэть Кизэнь лембе вестэ Понгсть апак фатя Коськине олгс. А кунсолат... Амульдик ванькс веденть, Туить верка Пандыненть алга. Натой эзить Аволдаяк кедьсэть, Эзить евта Каршозон валгак. Но эсь мельга Цецятнень ерсь ламо, Росав куншкаст Сельмекс каршон вансть. Ды лей ланга Чоледетсь ракамо Сиянь ярмакокс Правтозь эй лангс. |
| 1936 ие. |
| << Валскень валдось << | >> Эйкакшнэнь >> |
| Сборник Васень цвет; автор: Прончатов, И. Н.; 1939. | |