| Валскень валдось // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 13—14 |
|
| << Моро << | >> Экше вармине >> |
|
Валскень валдось Умаринас валовсь. Луганть кувалт Росынесь кольги. Тон яннэва, Лейсэ сиянь калокс, Парго марто Сад пирес валгить. Ашо череть Пухокс лыйнить пряват. Пиже лопат Тапардавсть перькат. Сезнить умарть, Зяро теть эрявить Ды лисить ушов Кенярдозь верка. Моро марто Паксянть келес туить, Васов, васов Вальгееть кайсевсь. Молят тозонь, Косо ялгат нуить Сырнень волнат Розь ланга уйнесть. Перькат цецят Толпандякс сыреждить. Брус — колозтнэ Сюконязь тошкить. Ки жо, ки жо Тонь седееть эжди? Кинь лемензэ Седейзэть кекшик. Вана, сыть тон. Пурнавсть комбайнертнэ. Эрьвась лепшти Казьнень кис кедеть. Сынь кенярдозь Тонь ен чидет кортнить, Што мештесэть Од пингень седей. Тон мельс туить Сэньне сэнь сельметь кис, Чамат кумаць — Эйсэть шумбра верь. Тонь комбайнась Веседе икельсесь. Тон масторонь Цветиця тейтерь. |
| 1936 ие. |
| << Моро << | >> Экше вармине >> |
| Сборник Васень цвет; автор: Прончатов, И. Н.; 1939. | |