Т. Кудашев, Аноклайхть

Т. КУДАШЕВ

Аноклайхть

Тоста-тяста пинкне ётнихть
Сась урядама порась.
Колхозсь аноклай машинат,
Тефне кенерьсь пинкне састь.
Виреть фталда, ляйнеть алда,
Кати мезе пяк увнай, —
— Атясь эвоць „масторсь калац“,
Тя колхозонь тракторсь сай.
„Валда ки“ колхозть тусь тевоц,
Аноклайхть машинат синь.
Фкя-фкянь ётазь марстонь вийса,
Пяшкоцайнек тефнень минь.
Сембе тефнень сдельщинати,
Эрек вийса ётафцазь.
Паксять вельхтясазь бригадат,
Курок сёроть кочкасазь.

Аноклайхть, автор: Кудашев Т. // сборник Од вий, 1934.	Мордовская библиотека
Книга: Од вий. Мокшонь уйфни писателнь и поэтонь сборник. Кочказе А. Кочетков. — ОГИЗ Молодая гвардия, Москва, 1934. — с. 107

<< Аф пара вайме (В. Заиграйкин) <<	>> Колхозонь празднек (П. Клещунов) >>