| Колхозонь празднек, автор: Клещунов П. С. // сборник Од вий, 1933, октябрь. | Мордовская библиотека |
| Книга: Од вий. Мокшонь уйфни писателнь и поэтонь сборник. Кочказе А. Кочетков. — ОГИЗ Молодая гвардия, Москва, 1934. — с. 108—110 | |
| << Аноклайхть (Т. Кудашев) << | >> Тяляма >> |
| |
| Колхозонь празднек |
|
Шуфттнень пряста Лопанятнень, Сёксень вармась Алу прафць, Вирь трваста, Лугать келес Тюже ацамкс Тифтень срафць. Туман кепоць Дуцякс вяри, Каць ни марстонь Кели переть. Вишкста вию, Кемя морось Кайфцы мокшонь Колхоз велеть. Стирьхть и цёрат Морайхть мора. Кода финижть Синь кундазь, Кода паксянь Вию тефнень Пара мяльса Шумордазь... Марстонь вийса Паксять лангоц, Апак тапсек Тевса зря, Сембе паксятне Примафт ни, Ланксост аш фкя Сёра пря! Пес аделафт Паксянь тефне, Тяляф марнек Марстонь розсь, Государствав Марафт сёроть Арфцы вишкста Паровозсь! Эсьтейнек минь Кшинеськ саты, Вишктольхть паксянь Сёротне, Эряфоньке Вишкста моли, Ряц козят Колхозникне. Урожайть ни Марнек явоськ, Труда шити, Сац фкя пуд! Сяда путта Кржа аф сати, Аш колхозсонок Стама куд! Мес аф морамс Ялгат тейнек, Кли эряйкс Эряфсь сась. Кли ашусь Марстонь вийса Тюрезь од эряфс Кундась! |
1933 киза октябрь |
| << Аноклайхть (Т. Кудашев) << | >> Тяляма >> |
| «Колхозонь празднек», автор: Клещунов П. С. // сборник Од вий. Мокшонь уйфни писателнь и поэтонь сборник. — 1934. | |