Эряфти, автор: Бябин М. А. // сборник Васень аськолкс; 1930. Мордовская библиотека
Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 72—74

<< Кулхцонт, цёраняй << >> Марстонь эряфсь — пети пинкнень >>
ЭРЯФТИ

— Эх, тон ава,
Эх, тон ава,
Мокша велень
Шобда идь.
Книгать эса
Ёнцень явафтк,
Ванка тонга
Эряфть кинц.
Шобда шиса
Ламос эрьсеть,
Ашеть няй
Шить валдонянц.
Козянь локшесь
Кицень перьсесь,
Кунцеть копсот
Мандонянц.
Тяни сембонь
Оду тиеськ,
Эряфсь
Моли инголи...
Марстонь вийса
Сиреть — синьнеськ,
Шиськя валдомсь, —
Пингя—ни.
— Ава,
Сиря эряфть кадомс пингоц.
Сталмоть —
Каннекшнийть куваць.
Марстонь эряфсь терьди:
— Адя,
Валда эряфти сувак.

* * *
Сембя валхня
Азфтольхть улхка.
Тевсь тусь тяни
Фкя кига;
Авась эряй
Марстонь куца,
Ванат:
Морафты книгат.

* * *
Ризфу шитня
Кадовсть фталу,
(Ольксемс сашендовсь
Аф весть).
Сталму эряфсь
Прась пильгалу,
Шобда шитингя
Сась пе.
1930 к.
<< Кулхцонт, цёраняй << >> Марстонь эряфсь — пети пинкнень >>
«Эряфти», автор: Максим Бебан // сборник Васень аськолкс. Мокшонь писательхнень сёрматфсна. — 1932.

Последнее обновление страницы: 2017.09.11
На главную