Марстонь эряфсь — пети пинкнень, автор: Бябин М. А. // сборник Васень аськолкс; 1931. Мордовская библиотека
Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 74—76

<< Эряфти << >> Паньчфусь сась >>

МАРСТОНЬ ЭРЯФСЬ — ПЕТИ ПИНКНЕНЬ

Шинясь варжаксць
Дуцять алда,
Од урьвянякс
Сась шудавась...
Мярявсть тракторхт
Вирьнять фталда,
„Мокша“ колхозсь
Тев уставась.
Сокаф модас,
Видесь пинем;
Пара мяльса
Рахась шись...
Улхка тяса
Шавонцть пинекс, —
Шуфтонь сокась
Лифнесь ливсь...
Ашель фкя
Машина пялькськя,
Паксясь —
Трактор — вал
Изь марься.
Эряфсь — Башкаль;
Ащесть пяльксня,
Модась цебярь
Ашезь арься.
Видек розьдя —
Шачи марш,
Видек сура —
Валсы Тишесь...
Тяфта модась
Няфнесь паронц,
Тяфта эста
Сокайсь пичець.
Кевонь сталмоса
Ульсь козясь,
Ашуфненди
Эряф ашель.
Покотть вийця
Саты коза —
Ланксот козясь.
Азоркс ащесь.
Сянкса стакат
Лятфнемс пинкня.
Стакат!
Ётасть сельмя веца...
Тяни кишнинь вийсь
Тюри кшинкса,
Марстонь эряфсь —
Пинкнень пецынь.
Аф стак
„Мокшось“
Таза кяца
Модать седиенц кундась.
Ладязь:
— Фкя-фкя ётазь
Тячи
Видемс 80-нь га.

* * *
Колма тракторхт
Арнесть келес,
Сенем качам
Паксяв валсть...
Арнесть дуборфса
Аф пелезь,
Куценцть вяри,
Алу валксть.
5, 6,
7, 8,
8, 9, . . . тоса
10-нь,
Шудесь видьмось...
Тячи тейнек
80-нь.
Ароптф серотнень карманстост
Лувозь нолязь видематня...
Шинясь маць-ни,
Ковнясь ванфты
Видеф 80-нь
Гатьнень.
1931 к.
<< Эряфти << >> Паньчфусь сась >>
«Марстонь эряфсь — пети пинкнень», автор: Максим Бебан // сборник Васень аськолкс. Мокшонь писательхнень сёрматфсна. — 1932.

Последнее обновление страницы: 2017.09.12
На главную