| Кулхцонт, цёраняй, автор: Бябин М. А. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 71—72 | |
| << Сак тунда << | >> Эряфти >> |
КУЛХЦОНТ, ЦЁРАНЯЙ
Сетьмя кожфкаса Яфоць венельнясь, Якстерь котфкаса Ацавась менельнясь. Вай, шинять цильфкац Станя тоза ляцссь, — Толонь валцонза Валдоптоза лятфть. Тишень морява Тракторхт чёпафнихть. Цёфксня шовдавать Моросост топафнихть. Валсазь мороняснон Сюконяй вирьнясь... Леборьфкаса прай Пижя лопанясь... Мази шинясь стясь, Кепоць рахазня... Косьфтай тишенять, Шиньфтай расанясь. Тяни аф кжнайхть Лятьфса пелепня, Тишень лядемать Оржа пеелец. Цяфайхть тракторхня Тишеть потмоса... — Кулхцонт, цёраняй, Эряфть шотнаса: — Козянь пизот ульсть — Эрясть педлийхня!.. Качам потмосольхть Ашунь седихня. Стакаль эрямась, (Визьдесь шарсь шинясь), Пинксь моннь керемянь — Оцта жаржиянь. Шобда шисолень, Ризфта лама киртьф, Ваймонь сявихнень Тяни кисна пирьфть. Ушесь сетьмоня. — Кундак кепонзон, Валдань эряфкять Няян векозон... Тяфта атянясь (Тишень марамста) Ёфнесь ёфксканзон Пингонь эряфста. |
| 1931 к. |
| << Сак тунда << | >> Эряфти >> |
| «Кулхцонт, цёраняй», автор: Максим Бебан // сборник Васень аськолкс. Мокшонь писательхнень сёрматфсна. — 1932. | |