| Батрачкати, автор: Пьянзин Г. А. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 57—58 | |
| << Трактористть моронза << | >> Колхозса >> |
БАТРАЧКАТИ
Кулхцонт, кулхцонт Тон батрачка, Мезя корхтан тейть: Эряйть пинкцень, Улить шобта — Эрять кода веть. Пуромксу молемс Ашель киця, Ашель ломанькс лувиця, Ризфса керьсевсь Пара мяльця, Ашель тонцень праваця Ланксот азоркс Ащесь козясь, Козять эса — ваннекшнеть. Эста ниньгя Ашель волясь, Попонь пилькнень палсекшнеть. Попсь тонь эсот, Васькафць „шкайса“, „Шкаень“ кига вятензя — Ожу — корхтась, — Улят „райса“ Апак лотксек эйфнензя. * * * Вишкя пожаркс Сась Октябрьсь, Козясь, баярсь Власьцна палсть Покайсь арась Властти азоркс — Максфоль аватингя валсь. Эста шаркстась эряфсь оду Панжеськ вели Валда кить, Кафксоця марцта Тяштеськ лозункть, — „Максоськ авати Тя шить“. Корхтай: — Эрян тяни валда шиса, Эряфть тиема кундань, Тяни эрян Ленинть мяльса, — Ленинонь Партияв суван. Эрян-ащан Мон колхозса, Трактористкакс тонафнян, Тунда лисян — Сталень вийса Марстонь паксяса Сокан. |
| 1931 к. |
| << Трактористть моронза << | >> Колхозса >> |
| «Батрачкати», автор: Пьянзин Г. А. // сборник Васень аськолкс. Мокшонь писательхнень сёрматфсна. — 1932. | |