| Трактористть моронза, автор: Пьянзин Г. А. // сборник Васень аськолкс; 1932. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 55—57 | |
| << Ударница << | >> Батрачкати >> |
ТРАКТОРИСТТЬ МОРОНЗА
Тефня шудихть Шада лаца, Касыхть велеса Колхост. Панжи эряфсь, Марлюкс саца, Сембя васттня Отт И отт. Пинкня шарфнихть Тундать шири, Нароць видьмот Аноклай Ошста сайхть Увназь машинат, Горназь тракторхт Вели сайхть... Видьмот поньжафцть Триерть пачка Колхоз, — „Якстерь Заряса“. Тундать эса Учихть марса, Учсазь тундать марняса. Учевсь, учевсь Тундать самац, Солась ватакс ащи Ловсь... Апак соксек Оцю паксясь Тракторть виенц Алу повсь. III
Ётась, солась Шаржу тялось, Мази панчфса Сась тундась Коллективонь Паксять келес Сокай тракторса Дригась. Дрига лятфни Ташта эряфть, Лятфни Паксянь сокамать... Тяни машфцаськ сокать, межать, Мольхтям марса покама Арахть ламос Лятфнемс пинкня — Стак моннь юмсесь виезя, Козяти работань ризфса, Ётнесь моннь од пингозя. Тийсаськ тевонц „Якстерь зарять“, Вяцаськ эряфть Тяни одкс. Штасаськ видьмоть Формалинца. Машфцаськ видьмоста Толпрять Моли тевоц Мирстонь вийса Колхозть „Якстеря зарять“. |
| << Ударница << | >> Батрачкати >> |
| «Трактористть моронза», автор: Пьянзин Г. А. // сборник Васень аськолкс. Мокшонь писательхнень сёрматфсна. — 1932. | |