Колхозса, автор: Пьянзин Г. А. // сборник Васень аськолкс; 1931. Мордовская библиотека
Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 59—60

<< Батрачкати << >> Паринань сокама >>
КОЛХОЗСА

Лоткасть сетьмость
Шада ветня
Пижя шальса
Вельхтявсь вирьсь.
Кенерсть марстонь
Видематня,
Виць ударнайста
„Од вийсь“,
Паксясь морякс
Ацавсь нарса,
Таргавсь паксять
Келес кись,
Васень майсь сась
Мази панчфса,
Лаказь варжаксць
Вярьдя шись.
Шинясь кепоць,
Колхозсь маземсь,
Панжамкс (панжавкс)
Тевс кундась,
Сокай тракторсь
Паксянь келес,
Модать
Велень ширенц шарфць.
Тракторть песа
Сеелкатня
Видьмоть путнезь —
Путнесасзь.
Сукснень кочкасазь
Кирьхкськятня,
Видьмоть модаста
Аф мусазь.
Ефим атя
Эряй башка
Сокай ськамонза сокаса,
Видьмонц ёряй
кура моськаса,
Сияк кирьхксня
Кочкасазь
— Сувак атяй
Тон колхозу
Ащи тевсь —
Машинаса,
Колхозть эса
Шачат оду,
Улят
Марстонь эряфса.
1931 к.
<< Батрачкати << >> Паринань сокама >>
«Колхозса», автор: Пьянзин Г. А. // сборник Васень аськолкс. Мокшонь писательхнень сёрматфсна. — 1932.

Последнее обновление страницы: 2017.08.28
На главную