| Мон эль сан // сборник Васень цвет; автор: Прончатов, И. Н.; 1936. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 31 |
|
| << Сексь << | >> Садовник >> |
|
Мон эль сан. Учат ли нейгак? Содат ли, вечкимам, седе, Кода сексень хрусталь сэньга Поездэсь пачтевти седей. Содат ли? Пандтнэстэ ванстозь, Тынк сленика лейтьнень ваксос Те марявксто пештязь канстонть Уски тонеть — казнекс максомс. Лида, Лида, кода тонеть Сынст таштылинь, штобу улест Мештесэнь прок моро, конань Вальма вельксэнк гувныть гулить. Вана ней вальмас нежадынь. Метеорт менькшныть менельга... Веркасто поездэсь кады Телеграф палманть ве пельга. Велетнеяк вакска ютыть... А нейсытькак — сынь удало. Ой, кода капшить минутат Вастоманок айгемс малав!!! |
| 1936 ие. |
| << Сексь << | >> Садовник >> |
| Сборник Васень цвет; автор: Прончатов, И. Н.; 1939. | |