| Нудейть комасть леенть вельксэс // сборник Васень цвет; автор: Прончатов, И. Н.; 1935. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 5 |
|
| << Лисян веть лей чирес << | >> Цветяк, од шкам >> |
|
Нудейть комасть леенть вельксэс, Ванькс ведьстэ ванныть сулеест. Лопатне прок ваднезь вельксс, Правтызь лангстост росань пилекст. Вакссонзо моненьгак сэтьмесь Теке оршась панар пухонь. Кедсэнь кирдян панстонь ведьме — Ветян вечкевикс гнедуханть. Мон сонзэ пек парсте вечкса! Мельганзо якан ды андан. Чись верде, прок толонь кечстэ Валны сырне сонзэ ланга. Ней эйсэнзэ сиянь ведьсэнть Экшеляса — ванькс улезэ. Вадяшкавтнян шожда кедьсэ, Сон жо стявтынзе пилензэ. Зярдо сокамо листяно — Моли веседе икеле. Мором сергедеме анок — Вельксканзо ливтявольть велес. Ней аштитяно лей вакссо. Нудейтне ваныть сулеест. Лопатне, прок велькссэльть. Лангстост Кеверсть валдо росань пилекст. |
| 1935 ие. |
| << Лисян веть лей чирес << | >> Цветяк, од шкам >> |
| Сборник Васень цвет; автор: Прончатов, И. Н.; 1939. | |