| Лисян веть лей чирес // сборник Васень цвет; автор: Прончатов, И. Н.; 1935. | Мордовская библиотека |
Книга: И. Прончатов. Васень цвет. Стихотвореният. — Мордовской Государственной Издательствась, Саранск, 1939. — с. 3—4 |
|
| + | >> Нудейть комасть леенть вельксэс >> |
|
Лисян веть лей чирес — Ушонть варма нурси. Галакс сэнь эрькестэ Ковось валдо пургси. Икельган нудейтне Састо, састо комсить. Шошномадост нармунть Венть элесэ оймсить. Седе тосо ванан — Сырежди тол пандя, Куцяс лугань ледийть Перькаванзо ландясть. Вана лиси атя, Тевень кис вечкемаст, Кедьсэнзэ аволязь Ушоды евтнема... Курок весе маднесть. Гай а марят кувать. Бути ансяк лопат Шошкстыть вармань пувазь. Ды а ойми леесь — Чуди тусто сэтьмес. Ковсо валдомгавтозь Сиякс струят петнить... Ды тонгак, поэтэнь А оймиця седей, Чинь кецямонть эйстэ Моравозь иредить, Бажат те сэтьмеванть Молемс... венть стувтомо. Но тонеть а оймамс, Седей, потмакстомо! |
| 1935 ие. |
| + | >> Нудейть комасть леенть вельксэс >> |
| Сборник Васень цвет; автор: Прончатов, И. Н.; 1939. | |