| Тунда // сборник Эряфсь панжи; автор: Пинясов Я. М.; 1931, март. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 9—10 |
|
| << Тундань терьдемат << | >> Илять >> |
|
Эждезь варьжаксць тундань шинясь, Тялонь акша ловсь юмась Панда прятнень эзда шадось! — Кштизня моразня срхкась. Шинять каршестонза аерць Тялонь акша лов дуцясь. Вастонь вастонь лиси модась Мацикс бегайгоц ульцясь. Колхозть тракторонза моразь Кели паксятненди лиссть, Конат летьке модать соказь, Конат кеди сьора вицть. Паксясь келемсь кода моря, Ашни баяронь хуторхт, Сембе паксясь пуроптф марс, Сире межась марнек керьф. И фкя песа хуторть васца, Няйсак, маземкшни совхозсь, Омба пяле, вирьнять песа Касы Сталинть лемс колхозсь. Модать эзда лисенць качамкс Тундань летькя модань шиньфсь. Кулевсь кайгиста завоца — Увфсь и сталень дзиньфсь. Сембе васца, ков тят варжа, Валда нят отт и оот, Касыхть велева колхосне, Ошса тиевихть завотт. |
| Март 1931 к. |
| << Тундань терьдемат << | >> Илять >> |
| Сборник Эряфсь панжи; автор: Пинясов Я. М.; 1933. | |