КОЛМОЦЕ НАЛКСЕМАСЬ

Таго попонь кудось секе обстановкась Попадиясь озадо вальмало

Васенце явлениясь.

Попад. Даря! Даря! Потомс ней кухнянтей Даря

Омбоце явлениясь

(Сови Даря)

Даря. Мезе эряви?

Попадсь. Тонь соломкань эзик нее.

Даря Косто неса?

Попадиясь Костояк.

Даря Эзия. Сон велестэнтькак тусь ков бутим

Попад. Славамо чей?

Даря. А содан.

Попад. Эйкакшозо теске?

Даря. Дух а содан

Попад А кода тонь койсэ мон сырянь эли одан?

Даря Лиясто сырят лиясто одат.

Попад. Кода истя, Ачарькодевить валот.

Даря Ежели чамат апак вадне ваднемкасо сырят, вадниньдерясак — одкстомат.

Попад Сэзей тонь теветь арась ваднян мон а ваднян — мон.

Даря Тон кевснят эйсэн... Монень а ютко молян муськиматнень сравтнеме (туи),

Попад. Коданянь покурдымем! Ведунлевкс! Правдый ведунлевкс (Пауза) Кайсян картасо соломкадо вечксамам сон, эли а вечксамам (тарги зепстэнзэ картат озы столь экшес и кортавты) Колоньгемень кото картат колоньгемень кото думт. Думадо ве думсо арцеде ве валсо. Трефань король вечксы черве дамань эли а вечксы? (кайси)

Колмоце явлениясь

(О. Иван. Сови моли столентей,)

О. Иван. Маничка, тон яла кежиявтозь аштят? Эрямсто сякойть лиснить.

Папад. (Пурнасыньзе картанзо). Кайсемеяк эзимек кадо.

О. Иван. Мезень кувалма кайсить?

Попад. Эсь прям эйстэ.,. Мезе, мерян, ули черва даманень бубня королень пельде.

О. Иван. Платият, платият раман, тевесь лац моли. (Озы ваксозонзо) Цецинем монь. (Паласы)

Попад. Вечксамак?

О. Иван. Кинь эно карман вечкеме тоньдет башка. Стакат ней шкатне! Колхозтнэ, колхозтнэ кальдить тевсэнек.

Попад. Паряк каладыть.

О. Иван. А каладыть апак калавто... Религиянть эщо покш виезэ. Марик знярошка шалт теевсь велентей кавто колмо валсто. Пеле веле тусть ды церькуваськак пешксель не читнень народто. Лац бизакавтыньзе Ютыцясь.

Попад. Кодамо сон истямо ломанесь?

О. Иван. Орголиця кулак. Ульнесь церькувань советэнь председатель. Семиянзо панизь Котлав, а сон эзь понго: кекшсь, ней яки велева.

Попад. Маньчи чей?

О. Иван. А маньчи, ладямодо икеле документэнзэ ваннынь.

Попад. Мезень кувалма истя ладиде?

О. Иван. Те тевенть, кувалма весе доходонть чачк явомс.

Попад. Явсак!

О. Иван. Превем ощо петеркасть эсть пра.

Попад. Намо. Коли истямо тевезэ жаловамс уш а моле.

О. Иван. Ков моли! Ежели тандавтомс — пурдазь-ашкордазь шлясы велестэнть..,

Попад. Ха-ха-ха!

О. Иван. Месть ракат?

Попад. Лац теиньк народонть! Эйденек-какшнэк, улинек паронок, конат тусть омбо велев, конат паксясо удость. Ха-ха-ха! Ну и дуракт эщо улить масторонть ланксо.

О. Иван. Минянек истятне самай эрявить.

Попад. Ха-ха-ха;

О. Иван. Иля ризна, минь эщо ламо тев тейдяно! Эщо эрятано! (Кутмордасы). Лапинем монь! (Паласы) Мезекс истя теть пек эряви соломка маро ютко ежо путомс? Монгак эщо здорован палцемадо.

Попад. Соломка, нать тусь велестэнть?

О. Иван. Эзь сакшно церькував вестькак седе мейле. Можок тусь.

Попад. Овсе?

О. Иван. А содан.

Попад. Истя!,. Тусь?..

О. Иван. Жальтеть. (Сти) Жаль?,. Ух, свол-л-л (Сювордасы кулаконзо, грози).

Попад. Кие жаль?

О. Иван. Соломка... Вечкик?.. Вечксак?

Попад. Превсэнгак колияк сон арасель. Мелезэнгак колияк эзия сайне. Ха-ха-ха.

О. Иван. Ванок. (Лиси).

Попад. Коданя сыремсь церькувань крисась... (Пауза). Тусь,.. Овсикс тусь велестэнть... Ульнесь соломка, ульнесь и арась ней. Колияк больше а васодян маронзо. Кирвастизе седеем и тусь.., Веси те казянть трокс. (Грози кулаксо). Мон сэпет муса! (Аварди)

Нилице явлениясь

(Сови О. Иван.)

О. Иван. Авардят? Жаль?..

Попад. Коли... истя покурдымик. Плош покурят (Аварди)

О Иван. (Озы ваксозонзо). Паро паро авардемс! Моньгак ули седеем.

Попад. Пачк а кемат эйсэн, а мон тонь икеле свеча прок ваньксань. Мон а лецнесынь тонь тевет-валот.

О Иван. Кодат тевть валт?

Попад. Зняро черничкат пекиявтыть... Кодамояк ава аменстят.

О. Иван. Пандя ташто пазетнень чукамс! Пандя! Ней ютасть не шкатне... Тонгак аволь одат уш.

Попад. (Сти) Мон? Сырян? А?

О. Иван. Аволь одаткак.

Попад. Тьфу! Тьфу! Мон тонь ланкс, наксадо казя! Весе пингем емавтык. Тьфу!

О. Иван. (Озавсы ваксонзо). Куть кода котай кшнэк, теке а одкстомат. Шкась яла юты и эсинзэ теи.

Ветеце явлениясь

(Сови Ютыця)

Ютыця. Шумбрань паро чи, кудазоронтей ды кудазор авантей. (Сюкунекшни.).

О. Иван. Тон мейсь сыть?

Ютыця. Доходонть явома.

О. Иван. Кодамо доход?

Ютыця. Те тевенть эйстэ.

О. Иван. Кодамо тев?

Ютыця. Народонтей куля нолдынь.., бызмолгавтыя... Весе велесь соракаць... Ней пант питне

О Иван. Тон, нать, ирецтат?

Ютыця. Курксон кше паморькс арасель эщо

О. Иван. Азе тестэ. Мон бродяга маро прят пильк а путнян.

Ютыця. Мон аволь бродяга. Мон пазон кисэ боруциця ломанян. Хе-хе-хе! Тонь монь илямак покуря истяня.

О. Иван. Азе, азе, паз маро!

Ютыця. Мон апак пань туян, пант тень васнятке.

О. Иван. Мезень кис?

Ютыця. Самай сень кисэ кода ладинек.

Попад. Вана педясь, начко таз прок.

О. Иван. Парцо листь!

Ютыця. А лисян. (Озы). А лисян. Иля пек келейгале: монь кияванть тонгак туят.

Котоце явлениясь

(Сови Фекла. Судозо весе ашо. Кецензэ саразось чакшось сюлмазь грудезэнзэ).

Фекла. Кельминь. Судо каворемгак эль пры

О. Иван. Тонеть мезе эряви?

Фекла. Велентей совамс можна?

О. Иван. Кись апак пиря?

Фекла. Курок провали?... Мерсть вень кунчкава атякш морамодо икеле. Обец чизэ сась, а велесь яла таркасонзо ашти. Нать мезеяк а ули?

Попад. Арась. А ули!..

Ютыця. А провали... Пазонь вечки ломань ули велесэнть.

О. Иван. Истя, истя! Ули! А провали мон мездеяк а содан.

Фекла. И-их! Пинень кулома ве ютавтынек. Шатай пандо прясонть. Якшамо...

Сисимце явлениясь

(Сови Полька ды Осипнизэ)

Полька-баба Сюконямо сынек, бачкакай! Сюконямо.

О низэ. Эзь лемдяво эйдесь тенек...

Полька-баба. Тейнек уш местькак мартонзо.

О низэ. А потявтомс — жаль, потявтомс тонзо пелян эйстэнзэ.

Полька-баба. Либо антихрист, либо шайтян левкс а содатано мезе чачсь.

Осипнизэ. Ведезэ равошкаць...

Полька-баба. Се шканть мезе бути кода цярновтызе куда стенанок, прок пургине лець.

Фекла. Цярновтызе!.. Мейле пиже, ожо кикерь кат туст... Толонь кикерькат. Монь ежомгак машнесь (кресты). Кода живстэ кадовинь вейке пазось содасы.

Полька-баба. Кумоськак тесэ! (Сюконякшны Ютыцянтей). Прядык уш тевенть!

О. Иван. Мезе теевсь? Кодамо тевь?

О. низэ. Эйденек аволь эйде.

Фекла. (Кресты). Божи матересь—кормилець.

Ютыця. Грехсэ, грехсэ эрятадо... Шайтят полавтнекшныть апак лемдя эйкакшнэнь.

О. Иван. Бути истямо тев лись — сон молитвасо доняви ды еми... Озномс эряви!

О. низэ. Иля, иля озно!.. Осипем мейле... кода-тензэ толкуваса?.. Сон а кеми, мери. (Аварди). Ульнесь эйкакш шумбра паро и емать кецтэт. Коданя мейле? Косто сайсак?

Полька-баба. Трик эно, мон суромгак а токавса эйзэнзэ.

Кавксоце явлениясь

(Совить Осип ды партработник)

Ютыця. (кекши столь алов)

Осип. (Польканень) Тынь тесэ месть тейнетядо, эйкакшнэк састь...

О. низэ (Тонги эйденть) Тонць тряк!.. Сисем масторонь томбалей туян те виськстэнть.

Осип (а саи) Мезекс монень? Кодамо виськс?

О. низэ. Эйдесь ульнесь эйде, ней аволь эйде.

Осип. Мезе эно? Вашо эли ваз?

О. низэ. Асодавияк мезе.

Фекла Осподи, помилуй!

Полька-баба Кельцэяк а евтави мезе.

О. низэ Ежели лемдямс-тонолкс велявты, жели озномс — овсикс ематы.

Партраб Эщо вейке Попонь евкс.

Осип Ды кодамо!.. Адедоя весе сельсоветов тосо те тевенть седе курок лувонзо мусынек. Адякая батюшка.

О. низе. Мон мездеяк а содан.

Полька-баба. Попонть чумозо овсикс арась.

О Иван. Мон сынст эзинь терде... эзинь... сынь сынць састь.

Партраб. Орчак бойка! Миненек а ютко марот шка ютавтнемс.

Осип. Знярочка шум теить велентей!,.

Попад. Орчка седе лемстэ.

О Иван. Тонь кельде а таргсить эйсэст. (Орчи).

Попад. Саиньк, саиньк сонзо и ялганзо (Невти) Онот козой кекшсь. Кавонест роботасть вейсэ.

Осип. (Коми столь алов.) Листяя дугинем (Усксы).

Ютыцясь. Мон... аволь, мон,.. мон...

Фокла. Тон самай кортыть, што велесь туи мастор алов.

Ютыцясь. Арась, арась,.. Эзинь корта.

Полька-баба. Кортыть, кортыть! Минек кецэяк кортыть.

Партраб. Лиседе весе. Тынь арестованнойдядо

Попад. Монгак?..

Партраб. Тонгак.

Полька-баба. Монгак?

Осип. Тонгак, сыре качамо!

Фекла. Монгак?

Осип. А тон — свидетель улят.

Фекла. Вайх! (Озави карзинказо ердови веенов саразось карми котномо).

ЗАНАВЕС