ОМБОЦЕ НАЛКСЕМАСЬ

Осипонь кудось. Кроват, эземть, столь, пазава угол. Стенасонть плакатт ды вождьтнень портретэст. Вася рисуви столь экшсэ.

Васенце явлениясь

Осип. Кона куломав теизь веси бутулкатнень? Ведь варяс прок тонгизь. Косот авидить?

Вася. Сисемце баня парить, ней чай цетост топоди.

Осип. Таго банясот?

Вася. Эно косо тест улемс, ней секе тевест.

Осип. Эйкакшонть лепиявсызь ды аваткак секень учок сэредеме пры... Эх зняроксть кортынь тест, што истя а эряви.

Вася. Тетяй! Мон тест од пазава теинь... Божи матерь, эрьк киргасонзо. Ваныкая!

Осип. Пионерат, а тонць пазават тейнят. Те чике евтан вожаконтей, пулет мацтясызь.

Вася. Мон нарошноень, тоста божиматеренть таргия ды авань картина ладинь. Кадык озныть.

Осип. (Ваны). Виде картина. Хе хе!.. Молодец! (дроцнесы). Косто жо саян бутулка?

Вася. Онот пазава уголцонть ули бабань святой ведезэ эйсэнзэ цела ие вансты. Олодянь эщо симдясызь, секеде кулы эйкакшось.

Осип. Мерят а симдясызь. Мон лучи валца ды чернила теян (сайсы бутылканть). Кувать эщо а синтревить озномань сюрдост—сярдост (валцы лоханц). Авам неевлимимгак копордаволь лаханстонть (каи поршока и нурти ведь).

Вася. (Пуцы картинанть пазаванть таркас) Ознодо ней пекенк сезевемс. Тон кудосо улят, тетяй?

Осип. Собранияв туян.

Вася. Монень клубов молемка; газетанть вана прядыя, кандомка, киже кудос кадови?

Осип. Сыть паряк, банястонть.

Вася. Мон эно туян. (Туи).

Осип. Те вана уш а карми озномо... Бойка... (Пуцы чернила бутолканть пазаванть удалов). Тесэ седе а валови (озы). Сейчас карми улеме беднотань собрания, — эряви басямс церькуванть пекстамодо. Истяшка здания ашти, — кирдить эйсэнзэ бабань познамо кардокс. Тюниха ды пандя. Нардомс максомка, максомка ды максомка.

Омбоце явлениясь.

(Сови) Полька-баба

Полька-б. Ох! Ох!... (Озы кровац) Ух!

Осип. Мейсь кувсят, авай?

Полька-б. Пси, церам, пси!

Осип. Моцет маштомс мик парить.

Полька-б. Кода эно?... Емавсак, штоли, псинть?... Ух—ух!

Осип. Кувсек эно... Мон туян.

Полька-б. Васов?... Ух—ух!

Осип. Эсь тевган.

Полька-б. Васяяк а неяви... Ух!

Осип. Васяяк тусь.

Полька-б. Антихристэнь тевть яла якавтат?... Эх, церам. Лучи аволить ульнеяк!...

Осип. Паро, паро!... (Туи).

Полька-б. (Озны.) Божиматерь—корминець, макст тензэ паро превть! Иляк кадо емамо—арамо!

Колмоце явлениясь.

(Совить Огай-баба, кецензэ эйдесь и Осипнизэ.)

Осипнизэ. Пильге виемгак майшть, сельменгак чополгацть. Ух.

Полька-б. Кровац чиремть, кровац! (кунды, ветясы.) Мадьть, мадьть!...

Осипнизэ. (мади.) Саном прок киртявсть.

Огай. Козой эйденть каяса?

Полька-б. Кровац, кровац!

Огай. Лавське ней уш тензэ пурнамаль.

Полька-б. Лемдясынек ваня, лемдясынек. Попось тонавтымим чокшне... Озак, сваха, озак!

Огай. Знярдо уш кучан эйсэт, попось уш берянь превть а максы.

Полька-б. Ангил прок!... Паро валдо пештятанзат.

Огай. Састь пиньк-шкат. Церькува а эряви од ломатненень. Тусть мень бутим письперть.

Осипнизэ. Пиянерть.

Огай. Апарось содасыньзе месть.

Полька-б. Истя, истя!

Огай. Косамольть минень цюпонь...

Полька-б. Сетнень уш пазосткак арась!... Цератнень уш коросткак кирдеви — тейтерть улить ютксост!...

Огай. Эно мезе?... Улко Васинкатнень кулачамсто кальдянь Евля яла чарась... Ружия мик кедезэнзэ сайни ды салдат лацо яки.

Полька-б. Еми пиньгесь!... (Кресты).

Огай. Виськс арась... Мазы арась... Эно мезе а еми.

Нилице явлениясь

(Сови Ютыцясь)

Ютыця. (озны) Котайкшнеде, котайкшнеде сыре сараскеть. Курок прядовить валонк (озы).

Полька-баба. Тон костонят?

Ютыцясь. Великой постоян. (Польканень). Сельмет а пищавицят, а седеет паро. (Тарги поцтонзо сюкоро). На вана сэвикь. (Максы). Сэвикь седе курок.

Полька-баба. Осподи, мезекс монень?

Огай. Мезень те истямо ломанесь?

Ютыцясь. Кудосонк апаро чине васолдо маряви!.. Урядынькь, урядынькь! Лазови мастор аванть седеезэ, нолды сон сэнь тол ды ноласыньзэ грешникнень.

Огай. Эйдеденть корты мекс апак лемдявть.

Ютыцясь. Кудонек-чинек туить мастор-алов ды сэнь толось ули тенст валост кисэ.

Полька-баба. (Кресты). Осподи, осподи... Попось как истя басясь,

Огай. Эйдесь бу лемдямс седе курок.

Ютыцясь. Капшадо, капшадо! Горянк ули а кандовомашка.

Полька-баба. Тон лемдямо а маштат?

Ютыцясь. Тонавтозь ломать улить тетаркантей.

Огай. Тонавтыньзеть ведь попось. Лемдямс эряви седе курок.

Полька-баба. Косто ней, кум сайдяно? Урьвине удат эли аштят?

О низэ. И-удан, и-аштян, кроватонть пачк туинь. Весе телам сорны. (Озы). Лемдиньк седе курок.

Огай. Нама лемдямс.

Полька-баба. Пазонь ломань. (Сюкони), Иля отказа эйстэнэк; ванстык грешной эйденть оймензэ!

Ютыцясь. (Прок сыргози) А?,. Месть кортат?

Огай. Кумокс адя! Эйденек апак лемдя.

Ютыцясь. Панаром каладо, виздян паз-икелей арамом.

Полька-баба. Урьвине, Осипень од панарось-ставсь?

О низэ. Плаштянзо ансяк арасть.

Ютыцясь. Плаштят-а-плаштят, плаштявтомояк аштят...

Огай. Орчавтыньк седе курок лангозонзо ды паро ули.

О низэ. Горобиясо, цюлансо... Авай, совавтык. Лангинесэ сон путозь.

Огай. Сейчас. (Туи).

Полька баба. Чапакс паресь ладямс купелькс — вишкине. Косто саян ней посуда?

О. низэ. Лопавтнема очкось бутим.

Полька-баба. Лиясо а мейсэ. Сави сон евардомс.

О низэ. Мон аксялов комавтния.

Полька-баба. (Таргасы). Ен ули. (Ладясы и каи вед ведрасто). Пазавасонть пиряса,

Огай. (Сови). Те штоли? (Невти панаронть)

О низэ. Те самай... Орчавтык...

Огай. (Моли ютыцянтень). Вана кумонь казне (Каясы лавтомонзо ланкс).

Ютыцясь. А?.. Мезэ?.. (Орчасы). Веденият ала (Кресты). Осподи, ваныть емамодо.

Полька-баба. (Сайсы пазаванть). Осподи сусе криста (Пирясы очконть). Божи матерь корминец светик. (Кресты очконть пазавасонть)

Ютыцясь. Светой ведь каядо.

Огай. Правдыйгак, сваха каяк.

Полька-баба. Монь превстэнгак се емась, каямс эряви. (Пуцы пазаванть, сайсэ чернила бутылканть). Меля ярдансто кандыя.

Огай. Зяро свечатнеде кирвастян. (Кирвасти свечат, педявты очконть кругом).

Полька-баба. Колмо, свахай, колмо. (Каи очконтень чернила). Ней весе анок (Кресты). Баслави бог... Свахай, саик эйденть!

Огай. (Сайсы). Эзик стувто кода эряви.

Полька-баба. Арась, стувса ней. Арьседе эно арьседе! Тон, свахай, монь мельга, кумось тонь мельга.

О. низэ. Аволь истя арыде... Аволь.

Полька-баба. (Аравсы Ютыцянь эсинзэ ваксс) Содаса уш кода, илямак човоря.

Огай. Тон прак комадо кроватентень: тонеть а ваномка.

Ютыцясь. Тонеть а ваномка.

Полька-баба. Иля, иля вано, урьвине! Тетят ават а эрить лемдямо таркасо: (Кундасы кедьте Ютыцянь, туить очконь кругом).

Полька-баба. (Моравты). Исая ликуя... Исая ликуя...

Ветеце явлениясь

(Совить Осип ды партроботник)

Осип. Самай лац совинек: авам венчи ки маро... бутим.

Партр. Тесэ кулыця... гроб... свечанек—мезенек.

Полька-баба. Осип... Осс... (Веси талакадыть)

Осип. Эйдеськак кецэст... Мезинь причат тейнитядо?

Огай Лемдинек самай.

Ютыцясь (Эци кроват алов)

Полька-баба Простимазь, Осипкай, жаль тенек маряви эйденть ойминезэ.

Осип. Кельме вец навамс, банядо мейле, аволь жаль? (Ваны очконтей) Тесэ чернила...

О. низа Косто чернилась понги?

Осип Валынк бойкине!

Партраб Виде — чернила...

Полька-баба. Осподи, осподи! Нать, чуда теевсь... Пазось а мери (Ливсы очконть)

Огай Седе чудат а ков.

Осип (Сайсы портфелензэ) Мон теньк невтянь чуда.

Партраб. Если бу нававлизь ведентей эйденть — виде „чуда“ улевель.

О низа Донимизь бабатне. Тон Осип иля кежиявто лангозон...

Котоце явленнясь

(Сови Вася)

Вася Адя, тетяй, бойкине советов! Велесэнть мезе бути теевсь. Шалт моли эрьва косо. Ков бутим народось сыргасть. Масторось, келя, лазови и туйдяно трисподни.

Осип. Правдыйгак мекс бутим таланыть народось.

Партраб. Кодамояк „утка“ нолдасть кулактнэ ды попне (Туить Осип маро)

Огай. (Макссы эйденть Осип-нинстэй) Меринь пиньгесь ёми, меринь.

Вася (Саи кши ды синди, пуцы зепезэнзэ) Намо, таштось еми, а одось эрьва чистэ вийс (туи)

О. низа Месть ней тейнемс?

Сисимце явлениясь

(Сови Полька-баба)

Полька-баба А-уй, мезе моли велесэнть: Ношксты народось ков понксь... А очксонть ведесь овсекс равужоль.

Кавксоце явлениясь

(Сови Фекла-баба, кецэнзэ курган чакш пикс вельде, омбоцг кецэнзэ сюлмсезь лукушка сараз маро, котмерцэнзэ мешок)

Фекла Тон туят, Полька?

Полька-баба Ков?

Фекла Вейсэ адядо козой уш паз путы тенек пе.

Огай (Орчи) Меринь, еми пиньгесь... Молян атянть вешнеса, ды вейсэ туйдянок.

Фекла Туимка, туимка!.. Аволь — колхозниктне алашасо сыргасть, улинек паронок сыргасть а минек ялгась косто ней саи алаша. Минь ялго.

Огай Бригадиронтей молемаль.

Фекла Косто... а максы. Вана кулома одижам ды коцткем вачкинь... Сараскесь керни жаль.

Полька-баба Мекс жо ведесь равужкаць?

Фекла Кодамо ведь?

Полька-баба (Орчи) Лемдямо.

Ютыця (Лиси кроватьалдо) Капшадо!.. Капшадо!

Фекла Вай!.. Истя кие?

Ютыцясь Кудосонк антихрист чачсь, секс ведесь равушкаць... Капшадо! (Туи чиезь)

Фекла Молоканонь песэ уш, келя, цяторды масторось... Прощайте (Моли кенкшентей)

(Ушосто стенанть лошасызь)

Огай Лиседе! Лоньдяды (Веси ношкстыть кенкшентей Феклань тулкацызь) Сон пры. Саразось карми котномо.

ЗАНАВЕС.