НАЛКСЕМАСЬ 3-це

Вирь поляна. Тикше куця. Тол пандя. Пашац котело пиде ям.

ЯВЛЕНИЯСЬ 1-це.

Паша. (Човори ямонть). Пидян тест течи ярцама пель колмо ямкст, колмо салт. Прок пись... (Корчты). Анок. Эрявить тердемс (Вешки). Пештясызь пакест.

(Вешки кавксть. Карчозонзо вешкить эрьваендо)

ЯВЛЕНИЯСЬ 2-це.

Лиси Злыдня нуласо.

Злыдня. Здоров, юбкань камиссар! Кодат тевет ладот... Месть рестыть-пуштыть?

Паша. Злыднядо икеле ярцамо само кияк а кенери.

Злыдня. Секс мон и Злыднян, что Злыднян. (Никси). Тантей чинезэ ямот... Ойшт моли кирга парьцет. Утка эли гала пидить? (Нолдасы пенчензэ котелонтень).

Паша. Заводия уткасо прядыя галасо. (чави пенчсэ кедензэ ланга). Иля блудя ялгадо икеле.

Злыдня. Паро тевесь... Щупадеманзояк а мерят?

Паша. А мерян.

Злыдня. Эх ай!

ЯВЛЕНИЯСЬ 3-це.

Лисить Керч Егорь, Савка, Тишка, Гришка.

Егорь. Злыдня уш тесэ.

Савка. Ульми уш ямдонть.

Тишка. Пекезэяк барабаншка сась (Веси эжнить).

Гришка. Паша эйсензэ плош кольневти, аволь ли братиякс кундызе.

Злыдня. Кундасамамгак... Мон аволь кодамангак оно Корчонь кондяман... Мон самай овсикэнь Злыдня..., Тей велявтомак — Злыдня (Велявты омбоце ендо). Тестеяк — Злыдня. (Велявсы удалксонзо коми). Истяяк — Злыдня. (Ары лац). Чумбрань паро чи, ялгат! Ойседе ярцниме, мось анок: и рестазь, и пуштазь.

Паша. (Комавсы злыднянь). Атонь вана тестэ куштазь.

Злыдня. Куштыяк эрят тия тува, сякой кува. Адя монень козяйкакс... Весе вирьтнень, паксятнень яксинек... Чувдано нора верьгиз лацо.

Гриша. Мерян свадьба чине качады.

Савка. Урьвакст бойкине эно.

Егорь. Эх, и киштян свадьбастонк. Весе потмом эждяса.

Тишка. Эжнемс аволь меша.

Паша. Знярц ней истя карматано эрямо? Якшавтомо кармась, пиземеть пизить. Осрокто берянь.

Злыдня. А содасак тон острогонть таньтензэ... Тосо минек ялганть маро ламо а басить. Эрьва вене од паксяв эшалон проводить. Ловонь прамс теке чамдасызь фатерэнть.

Егорь. Кода сы пелеве порась калдоргадыть кенкшне — тень, тонань серьгетьсызь... и моравсть морамост ломатнень.

Злыдня. Минек кеветеешканек саимизь веть... Моль!дяно... Сювордыя Егорень кедензе... Чудек! Теке емамка. Ковось пель экшс кекшсь часиязонок.

Егорь. И ношкстынек.

Паша. Мейле?

Злыдня. Леднесть, ды косто понги пулясь истят лындатненень (Сорновтни нуланзо). Понгияк пачк лиси... Оргодинек.

Егорь. Лучи пойс прям поваса, а одов амоли сынст кшиде салдо ярцамо.

Злыдня. Истя, истя, юбка ялгай!

Гришка. (Сайсы котелонть). Ярцамо озадо, комуния. Ярцамо!

Тишка. Эй, Наркомснаб! Кши мекс а керцят? Капшак седе бойкине... Ну!

Паша. Нейке карман капшамо, ансяк карксот таргик седе кеместэ ата ламо а сэвеви теть.

Савка. Карксось таргамсь можна. (Свисти карксонзо).

Тишка. (Пульзи). Истяня течи каванят! Севрюгань ямось аля.

Егорь. Куть пси веднеденть корчамс.

Злыдня. (Ланди). Вельксэкс таргавсь оесь... Корчак... (Корчи).

Гришка. Ярцадо!.. (Весе ярцыть).

Явлениясь 4-це

Лиси Костя.

Костя. Самай лац сынь...

Злыдня. Ура! Костя! Сонсь Костя!..

Егорь. Пичкить?

Костя. Пичксян. (Озэ юткозост).

Гришка. Кши туить?

Костя. Арась... Тетям чокшне малав ускимим Овто латкс. Кой-как муидизь.

Егорь. Кедесь пек сэреди?

Костя. Эщо сэреди... ловажанть дрябизе.

Гришка. Кшивтеме аволить сакшнояк.

Костя. Аволить са бу, ды савинь апак фатя.

Злыдня. Мекс?

Костя. Отряд сась велентень.

Егорь. Минек кунцеме?

Костя. А содан.

Тишка. Снартост ансяк судост тей тонгомо.

Гришка. Пурнавиньдератано вейс, пухост мацтясынек. Вирьцень сатышканек.

Злыдня. Пря уш а макстано тест.

Костя. Тей кияк а сы — а ютко тест.

Егорь. Мекс?

Костя. Курок эсинекне сыть... Маласот уш.

Злыдня. Ура!

Весе. Ура!.. Ура!

Егорь. Илядо шума!..

Костя. Шлить-нардыть пуло пест бояр кирдась. Саранонть уш саизь эсинехне.

Гришка. Ней кшидеяк а ярцан: кулядонть пешкець лекем...

Тишка. Монгак пешкединь.

Паша. Колмо чить а ярцан ней.

Костя. Кабу аволинь уль ранязь партизанонь отряд пурнавлинь ды тенцицятнень ланга.

Егорь. Пурнамка отряд.

Злыдня. А кода сокицятнень арсимаст?

Костя. Мелест мольцтизь ашотне — пеень сускозь аштить кувалмаст.

Егорь. Месть тейни ней отрядось?

Паша. Авам течи сыксэль, мекс сути куват арась.

Злыдня. Се минек снаботделэнэк ды кулянь паргонок.

Тишка. Куть-бу кши кувине поцемс.

Гришка. Аволь берянь улевель.

Пашка. Моньгак сюлон гурьнить.

Савка. Тыньк пекенк пешкецть — тыненк а макстано.

Злыдня. Ки ков, а тазов ломань баняв. Кува иля чаравто келенть, а пекесь яла кшинть перька чары.

Гришка. Ковгак а маштови снаботделэнек... Лия кочкамка.

Тишка. Намо, лия.

Савка. Кочкадо мейле овсикс вачомдадо. Кабу а Анка бабась — месть тейневлинек?

Егорь. Кабу а Петра атясь — овсикс кальдявольть сюлонок.

Костя. Чокшнэ уски провьянт.

ЯВЛЕНИЯСЬ 5-це

Анка-баба сумканзо маро ды Зоя. Ланксонзо Анка-бабань одижась, конань-эйсэ совась пурнамо.

Анка. Миньгак сынек...

Зоя. (Костянень) Тонгак тесат?

Костя. Тесан.

Гришка. Ней уш ярцтано!..

Пашка. Мекс кувать эзить са?..

Анка. Иля кортаяк.,. Весе исковинь. (Каясы киргастонзо мешоконть). Ярцадо сяткинем, ярцадо.

Гришка, Тишка, Паша (саить сускомот).

Злыдня. Ванодо весе илиньк треска.

Анка. Ярцадо, ярцадо. Ютан велешка, таго кандан..,

Зоя. Тетянь арестувизь.

Костя. Мейсь?

Зоя. А содан.

Анка. Осподи, мезе тосо моли. Дераньтирт вешнить. Солдатонь одижат пурныть ды нельксить. Лията колмошка ие эрманскай войнасонть шинеленть кисэ наксалесь, а ней саить.

Костя. Истя.

Анка. Алашат облизить. Салдат таго сайть... Лашт моли велесэнть. Конань церазо арась — атянть пекстасызь аштеме.

Зоя. Тятянь, нать. Костянь таркас саизь?...

Костя. Эх!... Содасызь мейсь саизь... Алац тевтне, а лац.

Злыдня. Ламонест састь?

Анка. Комсешка ловинь, мейле ильвединь, ламонест.

Костя. Сетыки?

Анка. Ведгеменьшканест улить ды улить...

Паша. Авай, озак... Сизить ней?

Анка. Сизевтчинтькак а маряса. Илидизь кунце. (Озы). Сизинь и сизинь.

Костя. (Зоянень). Тонгак озак.

Зоя. (Озы). Превен чарыть.

Костя. Мекс кедет верев?

Зоя. (Кекшсы). Арась. Аволь верев.

Анка. Совинь Петранень, а тосо...

Зоя. Иля евтне!.. Иля!..

Анка. Становоесь... атякшокс. Зоянь перька.., Кроватонтень куродызе...

Зоя. Ох, иля! Иля;

Анка. Чарькодия тевенть.., Ков... Сиведе саимим ды карц запордымим, Мон карынь варя. Мерян, аштят чей киска!.. Народ тердян!..

Костя. (Сти). Сволочт!.. Истяня!.. Грабить... Сазаронок наргить... Маштыт судтомо...

Зоя. Мон сонзо... печкния ды ношкстынь... Мон ломань маштынь. Сюлмсимизь ней!...

Анка. Ванан чии Зоя... Кундыя ды ведь латкованть ливтия велестэнть... Мейле кардо варяванть лисинь...

Савка. Чей, васня лисить, мейле кундыкь Зоянь.

Анка. Човорявинь... Мон келем вейке, а тынь вана зняроненк.

ЯВЛЕНИЯСЬ 6 це.

Лисить: Кузьма, Илька, Вася.

Илька. (Кэпэ, панарозо раздязь). Чумбрань пара чи теньк.

Костя. Тыньгак сыде?

Вася. Насила менинек.

Илька. Монь гимнастеркам ды кемен нельгизь. Казеннойть, келя сынь.

Кузьма. Робутыть велесэнть!

Илька. Приказовонь кие бути печкизе тыньк кец. Каштанов прок причавсь...

Вася. Сядошка пурнавсть од цератнеде... Бывалойтькак ютксост улить понгозь.

Кузьма. Пекстызь ды саемаст сметить силой... воювамо.

Илька. Кабу винтовкат тест — невтевельть война.

Савка. Винтовкат сядодо ламо улить кекшезь...

Злыдня. Кие хочет улме партизарокс — стядо!

Весе (стить Зоядо ды Анка бабадо башка).

Злыдня. Икелей, ялгат!... Советэнь кисэ? Сяводикска ашо бандитнэнь!...

Савка. Пурнасынек ялганок! Тесэ сатышканек, ансяк аволь куцясатано.

Илька. Оргодицят ламо вирьганть кекшесть... Весе молить.

Савка. Адядо, винтовкатнень таргасынек, народонть пурнасыне ды вооружим.

Костя. Ансяк мон... (Сейсы кецтензэ бинтенть). Чорту!.. Монгак молян!

Злыдня. Иляк травужа... Тонтемет сатоттано.

Зоя. (Сти). Монгак молян. Васень пулянть нолдаса Каштанов ланкс.

Костя. Истя, истя, сазор!..

Зоя. Эх, Костя! Тон мездек а содат...

Злыдня. Юбкатне знярс, теск кадовост.

Костя. (Каясэ одижанзо). Орчик, Илька!

Гришка. (мешоксто тарги кемть). Карцить ялгай!

Илька. (Карци ды орчи). Мезде берянян ней салдатось.

Злыдня. Ну, туинек!

Туить весе, ансяк кадовить Анка баба, Костя.

Костя. Сыргась пролетариянь вересь, ней ичитаио чапакс! (Туи мельгаст).

ЗАНАВЕС.