Марясь

Веле пеняса, Бугор пряняса. Куднясь скамонза Валдот вальманза. Моркшканц пеняса Марясь комафни, Мокшонь книганянц Кайгозь морафни. Валда тялонда Цильнехть вальманза, Прясонза шарыхть Ошонь ялганза. Кульви читорды Вальмава ловнясь Ару менельса Пееди ковнясь. Курок ялганза, Саранск ошста сайхть, Марюшаняти Лездома кармайхть. Марять сединяс Книгатне токсесть, Мес кувать аф сай, Тонафнем (а) сёксесь. Ялганень мархта, Школав мон туян, Книгатнень вельде Валда ки муян. Муцсесь эсонок Попонь шовда шись, Книгатнень вельде Муви валда кись. Кенендень седихть Ялганень учан, Сай кизоне мон Рабфаку туян.