| Паньчфусь сась, автор: Бябин М. А. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 77—79 | |
| << Марстонь эряфсь — пети пинкнень << | >> Классокс >> |
ПАНЬЧФУСЬ САСЬ
Шинясь кепоць вяри, Лямбоц Ляй жольфса Веттнень паньць... Менельсь варьхмоць, Ушесь лямбофць, Модась панчфу Кинзон панчсь. * * * Тракторсь сокай, Тракторсь морай, — Паксять панксонза юмасть, Плукня — Валда мяшцтост ёряйхть Модать почаксазь... И сяс: Шинясь лиякс пиди... Лиякс кожфкяськя уфай... Омбоцеда колхозсь види — Кшнень курьмозьса Паньчфусь сай... * * * Сиря мяльхня Валгихть алу, Марстонь вийнеськ — Сязи ки, Тя пингоня лама Канттам сталма, Тихтям од эряма ши! Педлить — Пицесаськ пилес, Верда сими Куйть пикстама... Тейнек шорсихть 5-ть 4-с, Но сембя сяка Тянь Минь эряфс ётафцаськ Минь тихтяма Тёждя, Зарякс палы эряф. Трудяйнь крдат, — Тийсаськ!.. Ваность кода Вию, эрек Омбоцеда Панчфусь сась. * * * Стака виец, Качам шинец, Корястонза — Шави ливсь... Мялец сяка: — Сиреть синнемс!.. Паксяса лакась Марстонь вийсь. * * * Минь тихтяма Тёждя эряф. — Зорякс палыть Минь тийсаськ. Ваность кода Вию, Эрек Омбоцеда Мазись сась. |
| 1931 к. |
| << Марстонь эряфсь — пети пинкнень << | >> Классокс >> |
| «Паньчфусь сась», автор: Максим Бебан // сборник Васень аськолкс. Мокшонь писательхнень сёрматфсна. — 1932. | |