| Пяшкодесть сядос!, автор: Чумаков И. Ф. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 43—46 | |
| << Фкя-фкянь ётазь << | >> Сокайть мороц >> |
ПЯШКОДЕСТЬ СЯДОС!
(Казьса „Сталинть“ лемса Колхозти. Од Поляна велеса, Зубунь р). |
|
„Сталинть“ лемса Колхозсь касы. Паренаснон Шумордасазь, Паксясь сиреть — Ой, юкстасы, Трактор вийхня Соннь кундазь. Сокась пезонць Паксять эзга, Модать лангонц Пинекс нефць, ......... Тяни ваныхть Паксять песа, Кода тракторсь Уенць — сефць. Тракторсь морай. Тракторсь сокай, Тракторисць Ударник ульсь. Трактор — кяряць Бокс аф токай Шарфты модать — Няеви пульсь. Ётай ашусь, Трактор, ваны... Тракторть моронц Кульсы сон, Тракторисцкя корхтай: — Ваня! Большевиконь Прязт сяфть ётт! Ванять алашацка — Ванф. Ванять седиса Пара мяль — Вандыкигя Мон суван-ни, Сиря шити Щафтан пяль. Ётасть, потасть, Пицесть сельмот, Тракторть сокафоц Пяк няеви, Сиря пинксь, Ой, тяни кельмя Тракторть мархта Курок тяйви. Председательть Куца алят, — Тоса Ванясь, Тоса Прошка, Тоса ават Мокшонь палят, Марявсть вайгяльхть: Минь колхозу! — (Корхтась Ванясь) И Тимошка). Середнякт, И ашуфт лама, Сувасть колхозс Синь фкя иляцта. Ялгат! Марстонь тевс Кундама! (Сёрматфцть Председательть кяцта). Тоса тяни кафксоинькемонь Тоса тяни — Тракторхт сокайхть, Башка ляцни Кафта кемотть, Сятка ванды Кизнок ётайхть. Ялгат! Мельганок сувада, Касфтость, касфтость, Кафксонь кемонтть, Велети тихтяма „Сяда“! Тяст уль башка Кафта кемотть. Эй, тон трактор, Вайгяльця улеза кшнинь, Велень трудяйхть Пуроптт перьфкат, Середнякт и ашуфт — Кулесть! Сядос, сядос! Сувада, тинь Ёрдасть сиреть Пря вельфка. |
| 1931 к. |
| << Фкя-фкянь ётазь << | >> Сокайть мороц >> |
| «Пяшкодесть сядос!», автор: Чумаков И. Ф. // сборник Васень аськолкс. Мокшонь писательхнень сёрматфсна. — 1932. | |