| Нума ланга (мора) // сборник Одонь вайгяль; автор: Макулов Л. Ф.; 1933. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 50—51 |
|
| << Кизонь илядь << | + |
|
Тракторхне срафтозь Шоводавань зарять. Жнейкатнень эса Паксяв синь усксть. Рульснон синь шарфтозь Ударниконь кядтне, Розь паксять мархта Шумбракшнемя тусть. Росьневок мерьгат Нуйхнень и жнейкать, Учсесть кунара, — Прясна синь комазь. Кельгозня мады Платформати Няйсак Тядде розьсь ару Аф шямонень колаф. Розь паксява Жнейкась Кяли дрназь, Кода морява Уи карабель. Фкя шире бригадац Яшковонь Дригать, Омбьце шире Кучиник Михалонь Илештезь кяцнон Аватне стирьхне, Эрекста сотыхть Стака розь пулфнень. Стак аньцек ашихть Нувазь пиже шуфттне Сембе колхозникне, Покоцть ударнайкс Паксяснон нузь, Колма шис марнек Сембоне тьожень Гектарть. Дружнайста показь Сембе трудяхне, Кальдявонь эряфть Йофси юмафцаськ Минць минь ульхтяма Козяста эрейхть Ленинонь знамянц Верьгак кирттяма. |
| 1933 к. |
| << Кизонь илядь << | + |
| Сборник Одонь вайгяль; автор: Макулов Л. Ф.; 1933. | |