| Кизонь илядь // сборник Одонь вайгяль; автор: Макулов Л. Ф.; 1931. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 47—49 |
|
| << Курькснихть << | >> Нума ланга (мора) >> |
|
Шись эсь тевонц Лац содась, Толонь шарыкс Кеверьсь и кеверьсь. Афки шарьхкодень Эздонок кода, Рощяняять фталу Кеверемс кенерьсь... Сеньгярьса Наряжаф шуфттне, Равжа онавакс Ащесть илять. Аньцек менельса Пиндолды тешттне, Чифторчнесть Валда сиякс Курок вирть фталда Од стиркс, Педезь варжаксць Весяла ковсь. Курок ульцясь Пяшкоць стирьда, Панарсна акшолцть Синь ловкс, Фкя фкянь кельксезь Скрипкась, гормошкась, Латьцезь шяень Нюдиень валснон. Моройхне Фрол и Ермошка, Мази морот Морасть стирьналса. Покай кемосна Модать палсезь, Дуборфть эзда Модась тарсь. А стирьнятне Фкя фкянь эзда Салсезь лаца, Мяштень кеподезь Мацинякс шарсть. Айда Мариоа! Айда марьнатка! Ладняс боканзон Кштисть трипакать. Морада икштида! Цёрат стирьнят! — „Тята эвфне альнякай Аф пельхтяма тевда, Саты саты виенькя — Кепотама кевда. Минь колхозонь паксяса Покоттяма моразь, Нутама аф тарвазса Нуй тейнек машинась: Стирень моротне Гайфтезь ульцятнень, Нлхтай седисот Вернецень лакафцазь. Аф пелезь, Цёратне стирьхне Моросост тевснон азонцазь Аф лама кулят Сире морот, Конатнень морсекшнезь Васьце. — „Саты, саты морамс Козейть полянц Осал тейнек Сон ведь марямс.” Пшкяць Вася Комсомолецесь Эрекста дружнаста Сембе фатязь Синьцень мороснон Од лаца морамс Моронь ушодысь Тимочень Матясь, Гай гай гайфтезь Ульцять стирьхть цьорат. Эрь моросост Кулеви эрек, Эрь моросост Лемоц ударникть, Конанц кирьцазь Яла вере, Конац ашкоць Колхозть марнек |
| 1931 киза |
| << Курькснихть << | >> Нума ланга (мора) >> |
| Сборник Одонь вайгяль; автор: Макулов Л. Ф.; 1933. | |