| Сьорма якстерь армияста // сборник Одонь вайгяль; автор: Макулов Л. Ф.; 1931. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 37—39 |
|
| << Комсомолец ялгазти (Мирошкинтти казьса) << | >> Пуромксса >> |
|
Тячи кемоста Перазань кирьцалн, Тештян, ялгат, Теенть мон сьорма. Азан пара Кемонь крда, Тяни моньгя Лемозе аф йомла, Улень мон, Тиньцкя содасать сембе, Постуф, сьормас Аф содай... Ашине сотцекшне Сяньге, Кия лангозонк моли Кода. Ялганельхть, Локшось и пайдексь, Ванонь стадазень Паксятнень эзга Локшозти вирьсь, Гайнязь гайнясь, Пеленькшнень Козятнень эзда Теень фкакс Сембе велеса мярьгонцть Оцю пря И постуф Филя, Ах! Не валхненьди Верозе ульсь терготьф, Ашесть мярьгонде Тейне лия. Ононь кодямга Меляфцан сиреть, Конань фатезе Пефтеме шовдась, Тяни азонцан мон Теенть семботь, Эрян, од эряфса кода. Вов ни, йотась Киза и пеле, Кода цебярьста Лангозе щаф. Заре тяштекс Конясон палы Вете ужеса Якстере тяшцть Киза пелети Тонадонь сьормась, Лац сьормадан, Морафтан книгат, Тяса колхозниконь цьорась Ламоти тонады ниньге. Якстерь армиясь Сембе трудяйти, Марксистонь И Ленинскай школа, Лама максы Сон эрь од сайти, Тяста лиси Эрек аф нола. Минь тяфтак Ударникть ульхтяма Колхозса Служамдонок меле Лодырхнень мархта Тюрьхтяма, конат сикс, Анокса эряйхть. Тяни локшоть И Пайдекть эземс, Вию кяцон Винтовкать кирьдян, Аф максан Границязонк яцемсь, Аф кадан Шпиотненьди Ян. |
| 1931 |
| << Комсомолец ялгазти (Мирошкинтти казьса) << | >> Пуромксса >> |
| Сборник Одонь вайгяль; автор: Макулов Л. Ф.; 1933. | |