| Комсомолец ялгазти (Мирошкинтти казьса) // сборник Одонь вайгяль; автор: Макулов Л. Ф.; 1932. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 35—36 |
|
| << Машинать виец << | >> Сьорма якстерь армияса >> |
|
Лакай ведькс Монь верозе лакай, Палы мяшцон Седиезе толкс. Ванта, ванта, Комсомолец Ялгай, Мезе тись Донбазса комсомолсь! Кода фкя, Кундасть синь Шахтань тевти, Пряснон сембе Евондазь ударнайкс. Тьожянь тонна Цятка вете шити, Вию кяца Модать эзда таргасть. Тары, зярьняй Модать козе мяштец, Бундерьф якайхть Сей—тов вагонеткат. Комсомолецть Тячи палы тяштец Шумордазь синь Колма кизос Пятилеткать. Палыхть толкс Синь тяфта Сембе тевса. Кда няихть Коса ули сязькс, Сяда курок Сянь буксирти Сявсазь, Стройкать эзда Машфцазь сязьксть Лакай ведькс Монь верозе лакай, Палы мяшцон Седиезе толкс. Ниньге кемоста Кярьмотть, Шахтер ялгай, Вию цьора Донбазонь Комсомол. |
| 1932 к. |
| << Машинать виец << | >> Сьорма якстерь армияса >> |
| Сборник Одонь вайгяль; автор: Макулов Л. Ф.; 1933. | |