| Тялонь кига // сборник Одонь вайгяль; автор: Макулов Л. Ф.; 1931. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 29—30 |
|
| << Ната << | >> Машинать виец >> |
|
Люпштавсь модась Ловнять алу, Лиякс арась Паксять шамац. Кепоць панда Велеть фталу, Полафтозя Вирсь шамонц. Тялонь кись Пяшкоць абозда Ловнясь морай Нуртнень ала, Ускихть ошу Кши колхозста Кайгозь кортайхть Усфнень фтала: Лама киза, Лама тяла, Ингольганок Шудезь йотась.. Кия няенць Кши тьняра, Кия воля Шиса покась? Васьце модась Ульсь сянь кяца, Кинь крхкаль И эчколь зепоць, Кие потясь. Ашуть верса Эше васца Касфнесь пеконц. Тяни няйсаськ Минь трудяйхне, Кия муворсь Кия парсь. Кярсаськ Пацяснон кулакнень. Пуропцаськ Трудяйхнень марс. Марстонь вийса Коллективса Сязьсаськ Кореннек кулакть Шарфцаськ Церькафнень читальнякс Путтама прязост Якстерь флак. |
| 1931 к. |
| << Ната << | >> Машинать виец >> |
| Сборник Одонь вайгяль; автор: Макулов Л. Ф.; 1933. | |