| Кели паксяса // сборник Одонь вайгяль; автор: Макулов Л. Ф.; 1930. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 24—26 |
|
| << Фкя фкя йотазь << | >> Ната >> |
|
Тя аф варма Увнай, зерней Кели паксять Перьфке шары, Тит сталень Айгор арды, Сире паксясь Калги тары. Сире паксясь Кува тары, Омба ширец Лангу шары, Сияк тракторты Пеняцяй; „Азка трактор, Сталень айгор, Мезень пара Эздон вешат, Шинек венек Цятор моцор, Сире паксять Синнят нефтят.” Тракторть Моразевсь Матороц, Ушоць марама Сон эсь моронц. „Кулемака Сире паксе! Мес мон Срафтан Нефтян Эсотг! Ведь тон ащат Сире васцот, Тише нарса Кяшить пряцень. Стяка ванта Перьфкат фшири Кулхцонтаська Велеть шири. Мезе тоста Марят неят Мезьса теляйхть Сьора тинькса. Коса тялясть: Цяпасть, Лапасть, Шуфтонь Теляма Тепецьса, Тяни тоса Лаказь лакайхть Вию Тяляма Машинат. Коса васьце Сокась лангсот, Меньцюф копорь Шуфтонь сокась, Сизьсесь Фролонь Сивай сокац. Тяни монь Ошста рабочайхть Кучемазь Оцю заводста Сиреть полафтоськ Минь одса, Апак сизек Мон работан.” |
| 1930 к. |
| << Фкя фкя йотазь << | >> Ната >> |
| Сборник Одонь вайгяль; автор: Макулов Л. Ф.; 1933. | |