| Кузницясо // сборник Монь вайгелем; автор: Илька Морыця; 1929, сентябрь. | Мордовская библиотека |
| Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 18—19 | |
| << Майде, майде... << | >> Эйдяняка >> |
| Тетянь лецьнемань кис |
|
Кузницясо: „танки-танк”... Сонсь кузнецесь — „бамки-бамк”... Кшнинть лоштясы — сеск лепштясы, Сюкорокс мик сон таргасы. Молоткасонть „ций” паласы, Чави, чави — „тож-ж” тожотсы: „Тож-ж-ж”... „Ож-ж-ж”... Кузнець Петя танки „танк”... „Уффы-уффы”... „У-у-у... у-у... Молоткасонть — „бамк-бамк”... Молотобоец! Молотобоец! Сайть молотканть, покш колотканть! Лоштяк! Лоштяк! — „Бамк”... „Бамк”... „Танки”—„танки”—„танки”—„танки”... „Танки”—„танки”—„танк”—„танк”... „Танки”—„танк”... „Танки”—„танки”... „Танки”—„танки”... „Танк”—„танк”—„танк”... Кузницясо: танки—„танк”... Вити-пети, цюпи-цяпи Молоткасонть истя тапи: „Тай-и-и-и”... „Гай-и-и-и”... Мезе мелем — тееви: „Вэй-и-и-и”... „Эй-и-и-и”... „Хэ”—„хэ”... Лемехть, лемехт, Чаван лемехть... „Хе”... „Хе”... Тон, сокиця, иля мелявт: Курмот-переть мон витнесынь, Молоткасонть „гей” паласынь, Иля пельгак — а саласынь... „Хэй”... „Хэй”... Кузницясо танкиль „танк”... Тетянь — кузнець, бамкиль — „бамк”. |
| Сентябрь, 1929 ие, Петровск ош, Н.-В. Край. |
| << Майде, майде... << | >> Эйдяняка >> |
| Сборник Монь вайгелем; автор: Илька Морыця; 1935. | |