| Ленин // сборник Монь вайгелем; автор: Илька Морыця; 1930, январь. | Мордовская библиотека |
| Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 9 | |
| << Чи валдонть кис << | >> Авакай >> |
|
Ленин! — сергедтяно, — Ленин! Покш, келей те валось Ленин! Мастор келес тапардызе Ине якстере карксонзо, Педе-пес мик сон сатстызе Лазы-зоря оршамонзо. Мастор келес палы тештесь Вете уголсо артозь толсо, Валдыявты трудицятнень Оля-чи эрямо кельсэ. Валось покш кодамо — Ленин! Сядо-сядонь ули пингень. Сонзэ толозо а мади — Мастор куншкас олякс лади. Покш, келей те валось — Ленин, — Олякс лемевтеви Ленин. |
| Январь, 1930 ие. |