| Янксимат, автор: Янина М. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 181—182 | |
| << Валське (Кириллов) << | >> Сыре пиче (Т. Наумов) >> |
|
МАРИЯ ЯНИНА
ЯНКСИМАТ Учильняв мон якилинь, Паро превнеть кирдилинь. Кинигинеть ловнылинь, Ламо тевнеть содылинь. Лоткавтымизь якамо, Кармавтымизь чекамо, Сэтьме превсэ эрямо, Сыре тевде кортамо. Ёмасть паро превинень, Стувтовсть весе тевинень, Карминь ульцяв лисьнеме, Аволь истят кортнеме. Нежець сёксень порынесь — Сась мирьденень лисемнесь. Тейтерькс паро эрямось — Жаль эйстэнзэ явомось. Лець мелезэнь учильнясь, Сась превезэнь кинигась, Ней думсекшнян эстэнзэ, Пек янксекшнян кисэнзэ. Тонавтнеде, сазорнэть, Ульдядо эсь ялгинеть, Илядо тук рохамолькакс — *) Сёрмацтодо комсомолкакс. Марятадо ламо тевть, Пряс сайдядо ламо превть. ★
|
| *) Рохамолька — велесэ беспартийной тейтернень мерить. |
| << Валське (Кириллов) << | >> Сыре пиче (Т. Наумов) >> |
| «Янксимат», автор: Янина М. // сборник Васень сятк. Эрзянь морот ды ёвтнимат. — 1929. | |