| Тундонь чи, автор: Петрова К. С. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 166—168 | |
| << Кизэнь вармине (Н. Филиппов) << | >> Монь эрямом (Т. Раптанов) >> |
|
К. ПЕТРОВА
ТУНДОНЬ ЧИ Кармась пувамо Лембе вармине, Кармась касомо Пиже лугине. Велень атятне Сокамо сырьгить, Вишка пакшатне Чинь каршо налксить. Дова Маринань Арась сокиця, — Арась чинь каршо Пакша налксиця. Сонзэ цёразо — Апокш Илюшка, Локшыне поны — Эщо Ванюша. Покш тейтерезэ — Превей Катюша. Касы аванстэнь Седей марицякс... Аволь налксеме Пакшанзо сырьгить, Стака роботас Пряст сынь аноксыть. Сивець сюпавнэнь Сёксес Илюша, Туи шабранень Нянькакс Катюша. Карми Ванюша Стада ваномо, Лиси Марина Умань сокамо. Цёлак кецэнзэ Видьменть ёртнесы. Пси сельвецэнзэ Уманть валносы. Весе паксяванть Шачи сюрыне, Довань лехава — Ансяк олгине. Весе ломатне Пивсыть сюрыне, Довань утомсо Ансяк лопине... Кабу велева Паро тев теемс. Кабу хоть кува Од коенть невтемс. Весе доватнень Коллективс пурнамс. Пищий пакшатнень Мазый шкаст жалямс. Керямс модыне Паро таркасо, Максомс тракторнэ Седе куроксто. Мейле пувамо Карми варминесь, Чевцтэ эждямо Довань седейнеть. Кармить эйдензэ Школав якамо, Кармить левксэнзэ Тудонь содамо. ★
|
| << Кизэнь вармине (Н. Филиппов) << | >> Монь эрямом (Т. Раптанов) >> |
| «Тундонь чи», автор: Петрова К. С. // сборник Васень сятк. Эрзянь морот ды ёвтнимат. — 1929. | |