АРТУР МОРО

Шачинь Ключовка велес, Самаронь губернясо. Тетян-аван — батракт. Тетям эрясь яла Сибирьсэ. Роботась чугункань ки ланксо, сюпав ломанень кецэ. Мон эринь авань марто. Авам тесэ-тосо роботазь, сельведь марто трясь эйсэнь.

Кода топоцть кото иень, авам сиведимем туво ваномо. Кавксо иесэ туинь школав. Школась эзь прядовт. Кизна туинь сюпав ломань кедьга якамо, прянь трякшномо. 1920-це иестэ туинь Сибирев. Тосо батракокс, пурназь эринь кавто иеть. 1922-це иестэ сынь кудов.

1923-це иестэнть прядыя велень школанть, 1924-25-це иетнестэ тонавтнинь В.-Толканонь семилеткасонть. 1925-це иестэ сёксня туинь Московов, Московсо муия эрзянь редакциянть. Редакциясь аравтымем роботас.

Моронь сёрмадомо карминь 1926-це иестэ, но сынст эсть печата. Ульнесть берять. Васня сынь берянельть. Мейле кармась сёрмадомо тонавтомон Ерёмин ялгась. Седе тов вастынь Чесноков ялганть марто. Сон седеяк пек тулкадимем стихень сёрмадома кинть ланкс.

Эрян ней Московсо. Роботан ЦИЗ-энь кинишкань фабрикасо. Састыне яла сёрмадан морот.