| А моры скрипкась, автор: Лукьянов А. М. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 97—99 | |
| << Опаня чокшнэ << | >> Товзюрот нуить >> |
|
А МОРЫ СКРИПКАСЬ
Пек пиземевстэ Ютась сёксинесь, Кежей телесь сась, Прась ашо ловнэсь. Ней телень венесь Якшамо вармав, Ансяк пряхинесь Сайсы весёлав. Паро од цёра Мазы карьть коды, Мелень молемстэ Крилець ланкс лиси. Сонзэ кецэнзэ Гайги скрипкине, Скрипканть марто сон Моры морыне. Моронть кунсолы Мазый тейтерьнесь, Сон моли озы Цёранть малынес. Телень буринесь Ушосо налкси, Те од цёрынесь Тейтеренть палси. Ве ойме кошцо Кавонест кортасть, Вечкима валсо Потминест пештясть. Акувать палсесть Сынь вейкест-вейкест... Кельместь седеест, Кундатоць келест. Ансяк буринесь Содась тень эйстэ, Кода тейтересь Сельведь правць сельмстэ. А моры моро Канды буринесь, А увны-лажны, Пиче чувтынесь. Ойматоць цёрань Гайги скрипкинесь, Тейтерень поцто Маць палы толнэсь. |
| << Опаня чокшнэ << | >> Товзюрот нуить >> |
| «А моры скрипкась», автор: Лукьянов А. М. // сборник Васень сятк. Эрзянь морот ды ёвтнимат. — 1929. | |