| Опаня чокшнэ, автор: Лукьянов А. М. // сборник Васень сятк; 1927. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 96—97 | |
| << А. Лук‘янов << | >> А моры скрипкась >> |
|
ОПАНЯ ЧОКШНЭ
Луга юткова Вай, покш вирьнева Васолдо-васов Кинель лей чуди. Течи сизесь чись, Течи — поздаясь, Кинель лей берёкс Течи чопотець. Чинть полавтызе Ловтаня ковось, Сияс наряжавсь Опаня чокшнэсь. Лей берёккесэнть Лёмзёр тьвет ало, Лия эрямо, Лия чи-валдо. Кавто седейнеть Тол сяткокс курвайсть, Кавто кургинеть Лембестэ палавсть. Секс пек сэтьместэ Вармась пувазевсь, Секс пешксе ковось Мызолк пейдезевсь. Аволь ве чокшнэ Сынь тесэ ютавцть, Аволь ве варма Сынст ланга пувась. Леенть киськензэ Варминесь пувсесь, Цёранть валонзо Тейтеренть куцтясть: „Мазый зорякс палы валцто Откс поранок эйсэнек, Ламо тевть эрявить теемс Од, ливчаня вийсэнэк.“ Ливчанясто сынь Эрямост думизь, Ливчаня превсэст Виде кинть муизь. Думизь кавонест Туемс те киванть, Кона рабфаков Ацавсь паксяванть. |
| << А. Лук‘янов << | >> А моры скрипкась >> |
| «Опаня чокшнэ», автор: Лукьянов А. М. // сборник Васень сятк. Эрзянь морот ды ёвтнимат. — 1929. | |