| Якстере армиянтень, автор: Григошин Я. П. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 72 | |
| << Сёксь << | >> Мика (Ильфек) >> |
|
ЯКСТЕРЕ АРМИЯНТЕНЬ
Вай, аволь дигат верьга гигакснить, Менель ёжосто вайгелест кайсить — Вай, ротат ды полк ютыть — лымбакснить, Якстере „салдат“ морост ильцявтнить. Рунгост сэрест сынст вирень пичешкат. Ротаст-полкост сынст, вай, покш паксяшкат. Молить бойкасто — карциганкс ливтить, Кецэст-лавтовсост мастор велявтыть, Кармить морамо — виресь гайгекшни, Кармить вешкеме — паксясь жойнекшни. Кадык буржуйтне сёлныть, музгорьдить, Кежей вергизэкс пейсэст чикордыть. Якстерь армиясь кородозь ашти, Кода эряви — туреме машты, Сонзэ виезэ — трудицянь вийсэ, Трудицянь вийсэ — мастор келесэ. ★
|