Я. ГРИГОШИН.

Шачинь-касынь мон Саратовонь губернясо, Эрмиев велесэ. Кавксо иесэ кадувинь урозокс. Тетян-аван ульнесть сюровидицят. Видима-сокамодо башка тетям ды лелям пултнильть уголият.

Велень школадонть мейле карминь тонавтнеме учителень тевс. Мейле кемень иеть тонавтынь рузонь велесэ пакшат (эрзя велес роботамо инязоронь властесь эзимем нолда). Ней эрян Саратовсо. Ниле иеть те ошсонть ветинь вишка народонь тонавтума тевенть.

Васня мон карминь сёрмадомо рузонь газец, ней сёрмалян эрзянь кельсэ ёвталминеть, морынеть. Роботан ещо эрзянь кинигань сёрмадума тевсэ.

★