| Пакся, паксине, автор: Радаев В. К. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 32—36 | |
| << Велень промкс << | >> Колмо киява (П. Долгов) >> |
|
Эй, Пакся, Од пакся! Келей паксине! Кинь кецэ ульнить тон, Кинь яла андыть, родной паксине?. Тон андыть помещик, Тон боярт сюпалгавтыть, родной паксине. Трудиця ломаннень, пиштевкс эрицянень — Тонть лезэть арасель, родной паксине. Мон аволь пеняцян, ансяк таштонть лецнян — родной паксине. Кода тевесь ульнесь, Кода ладось аштесь, родной паксине. Кода родной велесь Тонть чаманть сокарясь Чувтонь сокасо! Кода родной велесь Вере пазнэнь ознось — Пельдеть сюро шачовць. Чи лисима ёндо мазы зоря курвайсь. Весе мастор келес Виев вихерь ютась, Мода чаманть ланксто Бояртнэнь нардынзе. Весе трудицятнень Оля-чис нолдынзе. Сестэ ансяк, пакся, Тон теевить вадрякс, Сестэ ансяк, родной, Тонь неинек лезэть. Кемень иеть служат Тон ансяк миненек, Кемень иеть кастат Миненек оля. Эй, пакся, паксине. Келей паксине. Тонь ланга артни ней Кшнинь алашине — Мазый тракторнэ. ★
|
| << Велень промкс << | >> Колмо киява (П. Долгов) >> |
| «Пакся, паксине», автор: Радаев В. К. // сборник Васень сятк. Эрзянь морот ды ёвтнимат. — 1929. | |