| Коллективсэ Ваня эри, автор: Салдин С. А. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 15 | |
| << Кавто вайгельть << | >> Эрзянь комсомолонтень >> |
|
КОЛЛЕКТИВСЭ ВАНЯ ЭРИ
Коллективсэ Ваня эри — Таня марто тов совасть; Сынст эйсэ нужась а кери — Паро трактор добувасть. Трактористэкс велявць Ваня, Ней а соки сокасо. Чокшнэ вастсы Ванянь Таня, Сынь вастовить пролкасо. Весь ниркине, чись кувака, Ваня таго паксясо: — Эх, вармине... эх, пувака... Псилгадынь прок банясо. Трактор соки, модась лыйни, Мельга грацне сукст кочкить. Килей виресь выйнезь-выйни: — Оймсек, Ваня, тон начкить... Ваня тракторонть лоткавцы, Ливезь панаронть ёрцы, Тикше куншкас столенть сравцы Покш охотасо ярсы. Чокшнэ арды коллективев, Веть моли таго ульцяв: — Мазый Таня, сак ве пелев, Дай варштаса тонть лицят. Истя роботы ды эри Од пингень ломанесь ней, Сынст эйсэ нужась а кери — Пингень кинест пек келей. |
| << Кавто вайгельть << | >> Эрзянь комсомолонтень >> |
| «Коллективсэ Ваня эри», автор: Салдин С. А. // сборник Васень сятк. Эрзянь морот ды ёвтнимат. — 1929. | |