| Мон учан // сборник Пурьгинень зэрть; автор: Артур Моро; 1929, август. | Мордовская библиотека |
| Книга: Артур Моро. Пурьгинень зэрть. — Центриздат, Москов, 1931. — с. 25—27 | |
| << Мокшэрзят, икелев! << | >> А тандаттано >> |
|
Пувак варма, Сезнек черен эйсэ! Палцек чамам Вечкима ломанькс! Паро мельзэн: Монь ризны-седейсэ Лаки вересь Сельведтеяк ванькс. Кулак лацо Батракт эзинь нарьга, Эзинь сала, Ломать эзинь машт; Монь седеем, ялгат, Аволь варьга. Ансяк морынь, Молинь, ансяк, кашт. Нейгак эрян Лейне лацо жольнезь, Вирь пулосо Цековнэкс моран, Мако-цецякс Варманть марто кольнезь, Сёксень лопакс Читнень певерьдян. Колияк а мерян: Стака пингем, Колияк а карман рангомо, Пещаса сырнесэ Чаво тингем, Трудицянень Карман морамо. Кадык трудий Морон эйсэ сялды, Кадык трудий Монь морон моры, Трудинь вайгель Монянь паро канды, Трудинь пингесь Монь превсэ чары. Кадык трудий Евтасы валонзо, Мон эряван, Эли, тунь, арась? Апак жаля Мацтясы толонзо — Се поэтэнть, Коната морась? Эли трудий Покш пожаркс кастасы Монь седеем — Липни-тол келенть, Мастор келес Ташто шканть пултавсы, Ливтевсы Чопудасто веленть? Учан пельдеть Трудий, ялгай, валнэ, Пек мон учан Тонь пельде меревкс. Мон а ливтян верьга, Мон а ёлнэ калнэ. Мон — батрак-робочей, — Бедноен — тирекс. |
| Август. 1929 ие. |
| << Мокшэрзят, икелев! << | >> А тандаттано >> |
| Сборник Пурьгинень зэрть; автор: Артур Моро; 1931. | |