| Илядень зарява // сборник Эряфсь панжи; автор: Пинясов Я. М.; 1933, март. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 41—42 |
|
| << Кочкомста << | >> Пинемть валоц >> |
|
Вай кельган виренять Кайги моронзон, Кельган паксять пяк Сери сьоронзон. Келькса ся илядть Кали розсь люкай, Кали вирьняса Кукунясь кукай. Кукай мазиста Вайгяльняц гайняй, Сизеф ломаттьнень Теласна ваймяй. Марстонь паксяса Жольняйхть сьоротне, Кужа велеса Гайняхть моротне. Кинне моротне? Кодапт вайгяльсна? Нят од ломаттьнень, Марявихть кяльсна. Нят бригадатне Паксянь тевста сайхть, Заря лангоня — Кайгозь синь морайхть. Нят од ломаттьне Планцнон пяшкодезь, Кенердазь покасть Синь, аф вяшкондезь. Аф сизефтови Тяни одонь кяць, Тячи сяс люкай Мороса илядьсь. Гормошкась гайфцы Расаву илядть, Визьдезь мазепцы Стирень щека прять. Аськоляйхть ряца Сембе ливсю мяштть, Палыхть сельмосна Кода зарянь тяштть. Кода аф кельгомс Сьору паксятнень, Кода аф кулхцондомс Одонь моротнень. Однят морада Касост мяленьтте, Паксянь тевняса Лакаст веронтте. |
| 1933 к март. |
| << Кочкомста << | >> Пинемть валоц >> |
| Сборник Эряфсь панжи; автор: Пинясов Я. М.; 1933. | |