| Кочкомста // сборник Эряфсь панжи; автор: Пинясов Я. М.; 1932, июнь. | Мордовская библиотека |
Книга: Я. Пинясов. Эряфсь панжи (стихт). — Саранск: Мокшэрзянь государст. издательствась, 1933. — с. 38—40 |
|
| << Келу << | >> Илядень зарява >> |
|
Тячи рана шить Явась удомац, Кельме ляйнеть Эса шаманц штась. Гоборнять ланга Стая авась Марстонь суронь Кочкомати сась, Акшот, акшот Синь ляназнь Панарсна, Сембонь пряса Якстерь руцят, Мази леньгянь Пильгозст карьсефт Карьсна Шамаснвок синь — Зарянь архтф Кода дуцят. Сайхть и кеняньф Вайгяльхть морайхть. Мархтост мольсть. Ударник цьорат: Сятка мархтост Кочкома кундасть. Тите кизонда Сурось аф тиши, — Аньцек ланга-лунга йотамс. Тядде пяк толусь Аф лиси, Сяс, мес формалинца Сурось штаф Кулеви корхтай Бригадирша Марясь: „Тячи кочкомс тите Оцю ланкть. Катк губанзон Мазепнесынь зорясь Хоть иляц, но Йотасаськ минь Плантть. Тите нормась Ульсь минь Кафта шинди, А минь шиста Пяшкодеськ сонь Вельф. Кона нолгаць Корхтась: „тяшкать Меньди?” Большевиконь Темпнень эзда пельсь. Но минь шавоськ Сянь ялгань валса, И ударнайкс прянеконь Минь азоськ; Ударнай кяца, Пара мяльса, Нолань мяльхнень. Пряти лазоськ.” * * * Тага шинясь Меки мадма Геворьсь, Губанзон мазептозень Илядень зарясь, „Вов и тите планнек Ялгат шуморьсь” — Куду сявозе Бригаданц Марясь. |
| июнь 1932 к. |
| << Келу << | >> Илядень зарява >> |
| Сборник Эряфсь панжи; автор: Пинясов Я. М.; 1933. | |